Susan Greenfield, ish drejtoreshë e Institucionit Mbretëror të Britanisë së Madhe, tha për The Daily Telegraph se media sociale dhe video lojërat i kanë bërë fëmijët të paaftë të komunikojnë me njëri tjetrin dhe të mendojnë vetë, ndërkohë që ata vazhdimisht kërkojnë diçka për të hequr mendjen.
“Ajo që unë parashikoj është se njerëzit do të bëhen si tre vjeçarë. Do të kenë probleme emocionale, aftësi të dobëta sociale, vetëvlerësim shumë të ulët dhe mungesë përqëndrimi,” tha ajo.
Ajo sugjeron se nevojitet stimulim i vazhdueshëm nga mjedisi në çdo moment dhe aktivitete që i pengojnë të përhumben në mendimet e tyre.
Kjo mund të jetë veçanërisht e dëmshme për fëmijët, dhe Greenfield sugjeron që prindërit të nxisin fëmijët drejt aktiviteteve të tilla si kopshtaria, sporti dhe leximi si një mënyrë për të zvogëluar kohën përballë ekranit dhe për të stimuluar imagjinatën e tyre.
Ajo thotë se fëmijët që përdorin mediat sociale dhe luajnë në tableta dixhitale kanë më shumë gjasa të vuajnë nga depresioni dhe vetëbesimi i ulët, e për t’u bërë më narcist.
“Të gjithë kemi nevojë për një detox dixhital herë pas here,” thotë Greenfield.
/Independent
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
