Ofertat e kompanive të internetit, të cilat hyjnë në fuqi të Premten e deri në fund të Prillit janë:
- Rritet me 50 përqind sasia e internetit në çdo paketë telefonike.
- Të gjitha kompanitë e internetit, për abonentët e telefonisë fikse do të ofrojnë paketa abonimi për platformat edukative 60 përqind më lirë se çmimet e zakonshme.
- Të gjitha kompanitë e internetit do të ofrojnë paketa falas për stacionin edukativ të RTSH-së.
- Stacionet e fëmijëve do të jenë falas.
- Çdo kontratë e re e internetit do të ketë të përfshirë ofertat e mësipërme.
Sipas Ramës, “Administrimi i duhur i rrjeteve dhe i shërbimeve elektronike është një nga pikat më të ndjeshme të krizës. E keni parë besoj se si kolapsuan sisteme digjitale në vende më të avancuara se i yni”.
Edhe njëherë tjetër, kryeministri u bëri thirrje qytetarëve dhe në veçanti të rinjve, të qëndrojnë në shtëpi, pasi virusi nuk rrezikon të vrasë vetëm moshën e tretë, por edhe të rinjtë. Ai theksoi se në SHBA është ulur ndjeshëm mosha e të prekurve.
“Mbrëmë, shifrat e të prekurve në SHBA ishin të frikshme për rininë. 40 përqind e të shtruarve në spitale janë nga 20 deri në 40 vjeç dhe jo pak janë në gjendje të rëndë. Është e pa vërtetë që të rinjtë janë të paprekshëm. Prandaj, ju lutem të gjithëve mos lëvizni nga shtëpia për asnjë arsye në botë. Mund të transportoni “bombat” kur ktheheni në shtëpi, mund të vrisni familjarët dhe veten tuaj”, u shpreh Rama.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
