Për të ulur paranë informale në qarkullim, Ministria e Financave ka hartuar një projektligj që e ka shpërndarë për diskutim. Në bazë të këtij dokumenti, pritet që çdo biznes, person fizik apo juridik dhe organizatat jofitimprurëse, të hapin llogari bankare, në të kundërt do të ndëshkohen me gjoba.
“Bizneset që konstatohen se nuk hapin llogari në bankë do të gjobiten me 50 mijë lekë, kur janë persona fizikë me xhiro deri në 8 milionë lekë. Ndërsa në rastin e personave juridikë, gjoba është 100 mijë lekë”, thuhet në projektligj.
Ndërhyerja e Ministrisë së Financave, synon mbylljen e shtigjeve të pastrimit të parave, pas vërejtjeve të Agjencisë Europiane kundër Pastrimit të Parave “Moneyval”.
Vlerësimet e një muaji më parë të kësaj agjensie për vendin tonë, ishin kritike. Duke theksuar se në vend janë rritur reziqet për pastrimin e parave, Këshilli i Europës e vendosi Shqipërinë në mbikëqyrje të thelluar.
Krahas hapjes së llogarive bankare, pritet që të ulet më tej kufiri i pagesave kesh. Aktualisht transakksionet kesh lejohen deri në 150 mijë lekë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
