Ceremonia e mbylljes ishte një gërshetim i jashtëzakonshëm i tradicionales dhe modernes me të cilën mburret Japonia. Në fillim u fut në stadium flamuri japonez dhe vijoi me ceremoni të shumta të përgatitura me shumë kujdes.
Flamujt e shteteve pjesëmarrëse u futën në stadium nga sportistët më të dalluar dhe të përzgjedhur nga federatat.
Për shkak të pandemisë, në stadium nuk ishin të gjithë sportistët që garuan. Ata detyroheshin që 48 orë pas përfundimit të garave të tyre të largohen nga vendi. Ekipi amerikan rezultoi të jetë më i suksesshmi për nga numri i medaljeve që mori në Tokio, duke u pozicionuar kështu para Kinës. Ajo çfarë vihet re është se medaljet në raport me popullsinë, e bënjnë kosovën ndër tre vendet e para më të suksesshme në këto lojëra, krahas Xhamajkës dhe Bahamas.
Në vitin 2024 sportistët nga mbarë bota i pret Parisi, ku do të mbahen lojërat e ardhshme. Flamuri olimpik në fund iu dorëzua përfaqësuesve të Parisit, ku shpresohet të kemi lojëra me prezencën e publikut.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
