Pas vizitës së suksesshme që zoti Elton zhvilloi në Tiranë, në datat 4-8 Korrik, vizitë e cila kishte në fokusin e saj hulumtimin dhe zhvillimin e Teknologjive Financiare dhe Rregullatore në Shqipëri (FinTech & RegTech), rezultatet po fillojnë të konkretizohen në marketingun e brandit kombëtar shqiptar, me objektivin për të pozicionuar dhe shndërruar Shqipërine në një hub dhe lider rajonal për teknologjitë financiare (FinTech) dhe teknologjitë rregullatore (RegTech).
Zoti Matt Elton, është njëkohësisht dhe Shefi Ekzekutiv i kompanisë FinnoLux, me qendër në Luksemburg dhe partner strategjik i kompanisë shqiptare, EXINN Technology Center.
“Sot, gjatë samitit, folëm me disa politikanë dhe vendimmarrës në Luksemburg, duke theksuar se sa i rëndësishëm është për Shqipërinë promovimi dhe përdorimi i REGTECH për të përforcuar pozicionin e saj si një lider rajonal në shërbimet backoffice outsourcing.” – vijoi më tej zoti Elton.
“Ky në fakt, konsiderohet si një mesazh shumë i fuqishëm në Luksemburg, sepse përdorimi i Teknologjive Rregullatore (RegTech) e pozicionon Shqipërinë si një ‘brand besimi’ në këto shërbime.”
“Mesazhi sot ishte i qartë,” – u shpreh ai. “Shqipëria po përdor teknologjinë për të diferencuar veten e saj si një lidere tregu në shërbimet outsourcing në teknologji.”
REGTECH e lejon Shqipërinë të demonstrojë se përse duhet të jetë partnerja e besimit për Industrinë Europiane RegTech dhe FinTech.
“Ne duam ta promovojmë këtë koncept për Shqipërinë, sepse është shumë e rëndësishme ta përçojmë këtë mesazh në “qendrat e vjetra Europiane”, duke i treguar atyre se Shqipëria po i merr me shumë seriozitet këto iniciativa teknologjike dhe po përpiqet me shumë dëshirë të hedh në fushën e lojës talentet e saj për të krijuar të ardhmen në Europë.
Për EXINN Technology Center, imazhi i brandit kombëtar ndërtohet nga të gjitha pjesët e mozaikut.
FINTECH dhe REGTECH janë sfida e radhës në Revolucionin Dixhital të Shqipërisë që duam.
/BusinessMag
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
