Rreth 50 punonjës bëjnë punime dore në fabrikën që gjendet anash liqenit të Shkodrës, e cila eksporton rreth 30.000 maska nëpër botë, çdo vit.
“Në fillim çdo maskë është një mister, duhet të kesh durim për t’a bërë atë, por mezi pret që të shohësh produktin final”, shpjegon Nora Gjonaj, një artiste 41 vjeçare, e cila ka punuar në Fabrikën Shqiptare të Maskave Veneciane për dy dekada.
Maska janë të shumëllojshme. Ato variojnë nga të thjeshtat, të cilat mbulojnë sytë, deri tek maskat zbukuruese për kokën. Kostoja e tyre fillon nga 20 euro deri në 1500 euro (21 dollarë deri në 1.620 dollarë). Shumëllojshmërinë e maskave mund t’a shihni në showroom-in e tyre.
Lexo këtu: Diaspora, krahas ekonomisë po investon edhe në kulturë e kërkim shkencor në Shqipëri
Shumica e maskave që prodhohen kanë si destinacion Venecian, ku karnavalet u anuluan papritur këtë vit, për shkak të virusit Corona. Pjesa tjetër e maskave dërgohen në 40 shtete të tjera, duke përfshirë Francën, Amerikën, Britaninë dhe Australinë.
Kompania gjithashtu merr porosi gjatë vitit nga njerëz që marrin pjesë në ballo maskash, nga kineastët dhe producentët e teatrit, të cilët kanë nevojë për kostume.
Për shembull, Nicole Kidman dhe Tom Cruise kanë veshur dy nga maskat e studios në vitin 1999, në filmin e Stanley Kubrick, “Eyes Wide Shut”.
Floriri, pendët dhe perlat
Studioja është themeluar në vitin 1997, nga Edmond Angoni, një 64 vjeçar shqiptar, i cili ka punuar në Itali para se të kthehej dhe të hapte dyqanin e tij. “Çdo maskë ka bukurinë, magjinë dhe misterin e saj”, thotë ai për AFP.
Artistët fillimisht hedhin argjilën në një mbajtëse, të cilën e rregullojnë duke përdorur mistri. Kështu krijohet baza e maskës. Përbërja zbutet me një substancë të përshtatshme, e cila përmban letër. Punonjësit ndjekin një sërë hapash të tjerë, gjatë të cilave Angoni thotë se pjesa e nevojshme për maskën, ndahen nga masa e tërë.
“Ne përqendrohemi shumë tek pjesa artistike e maskave, duke i trajtuar ato me pasion dhe dashuri, njësoj si punët artistike”, thotë ai. Showroom-i i maskave po kthehet në një pikë tërheqëse për turistët, të cilët duke i parë maskat mund të perceptojnë sesi do dukeshin ato veshur, duke përfshirë maskat luksoze të zbukuruara me fletë floriri dhe argjendi, pendë, diamante dhe perla.
Vizitorët e interesuar mund të blejnë maska, ose thjesht të provojnë një prej tyre duke paguar tarifën e hyrjes, e cila është 3 euro.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
