Përmes një mashtrimi kompjuterik një 32 vjeccar nga Durrësi ka marrë mbi 15 milionë lekë paga lufte. Njësia për Hetimin e Krimeve Kibernetike në Departamentin e Policisë Kriminale në Policinë e Shtetit ka kryer operacione të njëpasnjëshme duke finalizuar operacionin policor “PLATFORMA”.
Sipas policisë, pas një hetimi 6-mujor, Njësia për Hetimin e Krimeve Kibernetike kreu hetime pas kallëzimit të bërë nga një bankë e nivelit të dytë në territorin e Republikës së Shqipërisë, për veprën penale “Mashtrimi kompjuterik”.
32 vjeçari D.T. ka disa vepra penale mbi kurriz. Ai është ndaluar dhe dënuar me gjobë për kryerjen e veprës penale “Vetëgjyqësia”, nga Gjykata e Shkallës së Parë Durrës;
Është dënuar me 3 muaj burg për kryerjen e veprës penale “Veprime në kundërshtim me vendimin e Gjykatës”, nga Gjykata e Shkallës së Parë Durrës;
Është dënuar me 9 muaj burg për kryerjen e veprës penale “Mashtrimi” nga Gjykata e Shkallës së Parë Berat (aktualisht në proces në Gjykatën e Apelit Vlorë);
Aktualisht, ai është ndaluar dhe dyshoheta për kryerjen e veprës penale “Mashtrimi kompjuterik”.
Lexo: ‘Efekti Batman’: alteregoja dhe fuqia që të jep ajo
Njësia për Hetimin e Krimeve Kibernetike hetoi pas dyshimeve të arsyeshme se duke përfituar nga situata e pandemisë për hapjen e llogarive bankare për përfitimin e “Pagës së luftës”.
“Kjo llogari ishte hapur që shtetasi të shfrytëzonte një hapësirë që gjendej në shërbimin bankar dixhital. Pas kësaj, ky shtetas ka arritur të kryejë 36 transaksione financiare në një vlerë 15.533.510 lekë të reja, në llogari të ndryshme të bankave të tjera të nivelit të dytë brenda territorit të Republikës së Shqipërisë. Pas transferimit të shumave të ndryshme, ky shtetas kryente tërheqje nga bankat ku ishin transferuar këto fonde, nëpërmjet kartave bankare ose duke u paraqitur vetë në bankë. Gjithashtu, ky shtetas ka tentuar t’i tërheqë këto fonde dhe nga jashtë territorit të Republikës së Shqipërisë”.
Sipas policisë po punohet për zbardhjen e plotë të këtij aktiviteti kriminal si vepër penale “Mashtrimi kompjuterik”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
