Miliarderi Mark Cuban ishte vetëm 12 vjeç kur filloi biznesin e tij të pare për të bërë ca para shtesë, kështu që ai e di se çfarë duhet për të filluar një biznes në moshë të re.
Dhe, ai thotë se ka një gjë të thjeshtë që duhet të keni parasysh nëse dëshironi ta bëni edhe ju gjithashtu.
“Çelësi për të filluar një biznes kur je i ri është të bësh gjëra që mund t’i bësh vetë – gjëra që mund t’i bësh me kohën tënde,” i tha Cuban së fundmi një grupi gjimnazistësh në shkollën e mesme Leëisville në Teksas.
Kjo do të thotë të filloni me atë që dini, vuri në dukje ai. “Nëse është një produkt, bëni diçka që është e lehtë për t’u marrë dhe e lehtë për t’u shitur,” tha Cuban, duke shtuar: “Në të vërtetë varet nga një gjë e thjeshtë. Bizneset më të mira janë gjërat që mund t’i kontrolloni dhe bëni vetë. Kjo është çfarë do të thotë të jesh sipërmarrës”.
Lexo edhe; Mark Cuban: Blerja e pronave të paluajtshme në metaverse është një ide që nuk bën sens
Cuban filloi shumë herët të mësonte të drejtonte biznesin e tij si një adoleshent që shiste qese plehrash derë më derë në një periferi të Pitsburgut. Më vonë, ai shiti një shumëllojshmëri koleksionesh, nga kartat e bejsbollit deri te monedhat dhe pullat, duke thënë se të ardhurat ndihmuan të paguante shkollimin e tij në kolegj.
Në secilin prej këtyre rasteve, Cuban përdorte sende shtëpiake dhe koleksione që ishin të arritshme për një fëmijë dhe i shiste ato për një fitim – duke ndjekur këshillat e tij për adoleshentët sot.
Në mënyrë të ngjashme, si student i kolegjit, ai punoi si banakier dhe jepte mësime kërcimi për të fituar para shtesë. Cuban më vonë tregoi aftësitë e tij në kërcim publikisht duke u shfaqur në “Dancing Ëith the Stars” në 2007, duke përfunduar i 8-ti në konkurs./ CNBC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
