Ministri i Jashtëm i Luksemburgut Aselborn ka bërë thirrje që Hungaria të pezullohet apo edhe të përjashtohet nga Bashkimi Evropian, për shkak të shkeljes massive të vlerave themelore të BE-së.
Ai përmendi trajtimin e qeverisë së Budapestit ndaj refugjatëve, pavarësisë së gjyqësorit dhe lirisë së shtypit. “Hungaria nuk është shumë larg lëshimit të urdhërave për të hapur zjarr ndaj emigrantëve” tha ai. Udhëheqësit e BE-së takohen në Sllovaki të premten për të diskutuar mbi të ardhmen e bashkimit.
Intervista e Aselborn me të përditshme gjermane Die Welt ka të ngjarë të ndezë tensionet përpara samitit. “BE-ja nuk mund të tolerojë sjellje të tilla të papërshtatshme,” tha ai, “dhe se çdo shtet që ka shkelur vlerat themelore të BE-së duhet të përjashtohet përkohësisht, ose nëse është e nevojshme përgjithmonë nga BE”.
“Brukseli nuk mund të pranojë që vlerat e tij themelore të shkelen hapur. Ato vende si Hungaria, që ndërton barriera kundër refugjatëve të luftës, apo shkel lirinë e shtypit dhe atë të gjyqësorit, duhet të pezullohet përkohësisht ose në mënyrë të përhershme”, ka deklaruar Asselborn. Shefi i diplomacisë së Luksemburgut ka folur për një modifikim të traktateve të BE-së, në mënyrë që një opsion i tillë të bëhet i mundur. Më herët, kryeministri hungarez Viktor Orban kishte akuzuar Asselborn se kishte diskredituar ndërkombëtarisht Hungarinë.
Burimi: gazetaekonomia.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
