Ministri i Financave, Petrit Malaj, së bashku me Drejtorin e Përgjithshëm të Tatimeve, Ilir Binaj, zhvilluan një konferencë për shtyp mbi zbatimin e Planit Sektorial të Ndërtimit dhe masat kundër informalitetit, pjesë e Strategjisë së Administrimit të të Ardhurave 2024–2027, ku një fokus kryesor mbetet formalizimi i sektorëve me risk të lartë, si turizmi dhe ndërtimi.
Sipas të dhënave të paraqitura, për periudhën janar–shtator 2025, të ardhurat nga turizmi u rritën me 5% krahasuar me të njëjtën periudhë të vitit 2024. Fondi i pagave u rrit me 18%, duke arritur 162 milionë euro, ndërsa kontributet shoqërore dhe shëndetësore u rritën gjithashtu me 18%. Arkëtimet e TVSH-së shënuan gjithashtu rritje.
Në sektorin e ndërtimit, kontrollet e agjencive imobiliare zbuluan shkelje të rëndësishme, përfshirë mungesë transparence në çmime, mosdeklarim real të pagave dhe shmangie të faturimit. Administrata tatimore do të përqendrohet në formalizimin e pagave dhe rritjen e deklarimit të xhiros në këtë sektor. Në Tiranë dhe Durrës janë të regjistruara 8,784 subjekte ndërtimi, ku rreth 25% raportojnë paga nga 400 deri në 500 euro, niveli që nuk pasqyron realitetin e tregut të punës.
Prioritetet e administratës tatimore për 2026-ën
Ministri paralajmëroi se subjektet që nuk reagojnë pas paralajmërimeve do të jenë objekt i kontrolleve të thelluara. Drejtori Binaj nënvizoi se lufta kundër informalitetit mbetet prioritet kryesor për vitin 2026, së bashku me zbatimin e paqes fiskale, fshirjen e detyrimeve dhe masa të tjera ligjore.
Lexo edhe: Shembull, sa kompensim për arsimin përfiton prindi me 2 fëmijë me të ardhura nën 1.2 mln lekë/vit
Sipas tij, rreth 120 mijë punonjës janë përfshirë në procesin e vetëdeklarimit të pagave, që ka sjellë një rritje prej 7%. Faza e parë përfshin mbledhjen e të dhënave mbi çmimet nga agjencitë imobiliare, ndërsa fazat e dyta dhe të treta do të fokusohen te ndërtuesit, me kontrolle të Drejtorisë së Riskut dhe aksion për vetëkorrigjimin deri më 23 maj 2026.
Kontrollet në turizëm dhe sigurinë ushqimore do të vijojnë, ndërsa janë duke u përgatitur plane të posaçme për tregtinë online, shitjen e automjeteve dhe shitjen e aksioneve, të cilat janë sektorë të identifikuar me risk të lartë.
Ministri Malaj vuri në dukje se këto strategji synon jo vetëm rritjen e të ardhurave, por edhe përmirësimin e administrimit fiskal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto