Për prodhuesin gjerman të automobilave, një zhvendosje në automjetet elektrike ka nënkuptuar një përshtatje themelore, jo vetëm të prodhimit por edhe të komunikimeve.
Volkswagen (VW), prodhuesi gjerman i makinave, ka riorganizuar të gjithë ndërmarrjen e saj drejt qëllimit për t’u bërë lider global në lëvizjen elektrike, duke e bërë atë të përballueshme për miliona njerëz. Në një dalje të fundit, Jochen Sengpiehl, shefi i marketingut në Volkswagen Passenger Cars, shpjegoi se çfarë do të thotë kjo.
Për prodhuesin e makinave, një ndryshim kaq i madh strategjik pasqyron përpjekjen e VW për t’u rehabilituar pas skandalit të mashtrimit të emetimeve të vitit 2015 në makinat e saj me naftë. Për të lëvizur përtej kësaj krize, firma duhej të sillte risi. Makinat elektrike kanë qenë përgjigjja ndaj krizës.
Lexoni: Të gjitha risitë që sjell Volkswagen Caddy i gjeneratës së re
Megjithëse ato mbeten kryesisht rezervë e disa të privilegjuarve, plani i VW është të demokratizojë lëvizshmërinë elektronike. Së pari, kjo do të thotë të bësh një makinë elektrike të përballueshme, që sjell fitim. Së dyti, kjo do të thotë të imitosh më shumë prodhuesit e programeve kompjuterikë sesa prodhuesit e pajisjeve, ndërsa kompania fillon të kontribuojë në infrastrukturën elektrike.
Në këtë të ardhme elektrike, një nga rregullat kryesore është të fillosh të mendosh për produktet që nuk mbarojnë kurrë me të vërtetë, si në botën e softuerit.
Për Sengpiehl dhe aftësinë e marketingut, puna është në vazhdim e sipër. Sengpiehl përdor një term, kur përshkruan disiplina historikisht të ndara, megjithëse të lidhura – shitje, marketing, PR – si “të shkrira” së bashku.
Përpjekja e kompanisë për t’i dhënë kuptim kësaj, lidhet me punën e saj të fundit, që është krijimi i sistemit OneHub. Ky është një front i thjeshtë për faqen e internetit të firmës me një qëllim të qartë: sjelljen e mbi 600 milionë vizitorëve të saj mujorë (me përjashtim të Kinës) në ekosistem dhe më pas orientimin e tyre drejt makinave.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
