Të gjitha risitë që sjell Volkswagen Caddy i gjeneratës së re

Volkswagen Caddy

Volkswagen Caddy i ri u prezantua në Dusseldorf në fund të muajit shkurt. Ajo vjen 42 vite pas prodhimit të versionit të parë të saj dhe është tashmë në gjeneratën e saj të pestë, me më shumë hapësirë se paraardhëset e saj.

Platforma MQB e Volkswagen është përdorur më parë vetëm tek modelet për pasagjerë. Ajo është më ekonomike dhe me një sërë opsionesh të reja, tepër e sofistikuar për segmentin e vet.

Pamja e jashtme

 Volkswagen Caddy

Caddy i ri ka marrë një prekje të lehtë sportiviteti në dizajnin e saj të jashtëm. Lehtësisht vihet re influenca nga makinat e pasagjerëve. Fenerët lidhen ëmbël me maskarinon dhe e gjithë kjo e lidhur me parakolpin me një shkrirje të butë që kalon pa u vënë re. Për herë të parë, opsional janë edhe fenerët LED. Pjesa e pasme ndërkohë ka pësuar një ndryshim akoma edhe më të madh. Ndryshe nga Caddy paraardhës, tashmë dritat e pasme janë të gjata dhe të ngushta, teksa tek të gjitha gjeneratat e kaluara kanë qenë më të vegjël. Tavani gjithashtu është më i ulët se në gjeneratat e kaluara, duke krijuar një linjë aerodinamike e cila rrjedhimisht rrit edhe eficencën e makinës.

Përmasat

Ashtu si gjenerata e kaluar, Caddy vjen në 2 versione, SWB (trup i shkurtër, Caddy) dhe LWB (trup i gjatë, Caddy Maxi) Versioni i shkurtër është 4,501mm i gjatë, 1,855mm i gjerë dhe 1,797mm i lartë. E thënë ndryshe, 93mm më i gjatë, 62mm më i gjerë dhe 25mm më i ulët. Ndryshim gjithashtu ka pësuar edhe distanca nga aksi në aks, e cila është rritur me 73mm në 2,755mm e cila përkthehet në më tepër komfort në rrugë dhe më shumë hapësirë. Versioni i gjatë ndërkohë ka të njëjtën lartësi dhe gjerësi, dhe tani është 4,853mm i gjatë ose 25mm më i shkurtër se më parë. Largësia e akseve gjithashtu është zvogëluar nga 3,006mm në 2,970mm. Megjithatë, Maxi mundet që të mbajë 2 paleta të përmasave Evropiane të vendosur anash, gjë e cila është ndihmuar edhe nga rritja e madhësisë së derës rrëshqitëse.

 Volkswagen Caddy

Më poshtë vijojnë përmasat e ngarkesës së Caddy:

  • Gjatësia maksimale e ngarkesës: 1,797mm Caddy, 2,150mm Caddy Maxi
  • Lartësia maksimale e ngarkesës: 1,273mm
  • Gjerësia maksimal e ngarkesës: 1,606mm
  • Gjerësia midis harqeve të rrotave: 1,230mm
  • Gjerësia e derës së pasme: 1,234mm
  • Gjerësia e derës rreshqitëse: 701mm Caddy, 840mm Caddy Maxi
  • Volumi i ngarkesës: 3.3 metër kub Caddy, 4.0 metër kub Caddy Maxi

Caddy i ri përfiton kështu 29mm lartësi ngarkesë dhe plot 60mm midis harqeve të rrotave. Por ashtu siç dihet, Caddy do të vijë edhe në versionin e tij Life, me 5 ulëse në Caddy dhe 7 ulëse në Caddy Life.

Motorrët

Caddy i ri do të vijë me 3 motorrë me naftë dhe 1 me benzinë. Ata diesel do të jenë 2.0 TDI, të cilët do të prodhojnë 75hp, 102hb dhe 122hp. Motorri i vetëm i benzinës është një 1.5 TSI, i cili prodhon 116hp. Konsumi i karburantit ka rënë me rreth 12%. Këtu rol ka luajtur edhe aerodinamika më e mirë, e kombinuar me motorrët e rinj dhe kambion me 6 marshe si standarde tek modeli. Por një kambio DSG7 do të ofrohet për versionet më të fuqishme tek motorrët me naftë dhe benzinë. Një opsion tjetër është edhe ai i gazit natyral të kompresuar (CNG) me 130HP, i quajtur TGI, dhe që do të tregtohet vetëm në disa tregje.

Salloni

 Volkswagen Caddy

Ai është modern, funksional dhe tepër ergonomik, ashtu si një makinë e tillë duhet të jetë. Një ekran 10.2 inch në mes dhe një tjetër 10.0 inch ndodhet pas timonit. Tashmë, duke shtuar edhe frenat e dorës jo më me levë por me buton. Tani është e mundur edhe hapja dhe ndezja e makinës duke e mbajtur çelësin në xhep.

Të gjitha këto, pritet që të jenë në duart e të interesuarve në muajt në vazhdim.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale