Linkedin është platforma më e fundit, e cila përqafon formatin e story-ve, që fshihen pas 24 orësh. Rrjeti social profesional lançoi gjatë ridizajnimit të fundit Linkedin Stories.
Duke filluar nga dita e sotme kompania do të ofrojë Linkedin Stories në SHBA dhe Kanada, me planet për ta ofruar për të gjithë në javët në vijim, shkruan Tech Crunch.
Versioni i story-ve të Linkedin është i ngjashëm me atë që shfaqet në Instagram ose Snapchat. Shkrepni një foto, mund të shtoni tekst ose GIF dhe e ngarkoni në profilin tuaj. Të gjitha miqtë tuaj mund ta shohin për 24 orët në vijim.
Linkedin do të shfaqë të gjitha story-t e miqve tuaj në krye të aplikacionit në ekranin tuaj. Mund tu duket si një opsion i parëndësishëm, por Linkedin thotë se ka disa përfitime. Testimet e hershme të produktet tregojnë se njerëzit janë nxitur të postojnë më shpesh.
Story-t gjithashtu mund të nxisin punonjësit të ndihen më të lidhur me njëri-tjetrin sidomos në rastet kur të gjithë punojnë nga shtëpia dhe mund të ndihen të shkëputur nga kolegët.
Përveç story-ve, ridizajnimi i ri përmban edhe përditësime të tjera. Funksionet kërkimore të sajtit janë rimodeluar me opsione të reja filtrimi dhe mundësinë për të gjetur kurset online dhe përmbajtje të tjera të Linkedin.
Komunikimi është pajisur me reagimet “emoji” si dhe opsionin për të nisur një video thirrje direkt nga biseda. Video thirrjet do të lançohen në Tetor dhe do të funksionojnë në Zoom, Microsoft Teams, Slack dhe BlueJeans.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
