Pothuajse të gjithë e njohim LinkedIn si një platformë profesionale, Linkedin është ndër mjetet më të mira për punëmarrësit dhe punëdhënësit për të kërkuar dhe për të gjetur njëri-tjetrin. Për shkak të numrit të shumtë të përdoruesëve, prej 830 milionë në 200 shtete të botës, mundësia për të gjetur një vend pune është e lartë, po aq sa edhe mundësia për të mësuar, për të krijuar shoqëri, partneritete dhe për të zbuluar më shumë.
Linkedin u krijua zyrtarisht në 5 maj 2003, vetëm nëntë muaj përpara se Facebook të shfaqej në Harvard, duke e bërë rrjetin më të vjetër social që përdoret ende sot.
Lexo: LinkedIn rendit dhjetë kompanitë më të mira për të punuar në 2022-in
Misioni i LinkedIn është i thjeshtë: të lidhë profesionistët e gjithë botës, për t’i bërë ata më produktivë dhe të suksesshëm. Ky ishte qëllimi i cili u ngrit në dhomën e ndenjes së bashkëthemeluesit Reid Hoffman në 2002 dhe u lançua zyrtarisht më 5 maj 2003.
Sot, LinkedIn udhëheq një biznes të larmishëm me të ardhura nga abonimet e anëtarësimit, shitjet e reklamave dhe zgjidhjet e rekrutimit nën udhëheqjen e Ryan Roslansky. Në Dhjetor 2016, Microsoft deklaroi blerjen e LinkedIn, duke bërë bashkë cloud-in kryesor profesional në botë dhe rrjetin kryesor profesional në botë.
Ajo që na mbetet të themi është: Urime LinkedIn!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
