Gazeta Blick, përmes një artikulli promovues për Shqipërinë shkruan se, “në një mënyrë apo tjetër Shqipëria vlen për një udhëtim”.
“Bëhuni si një nga shumë shqiptarët që jetojnë në Zvicër dhe duan të kalojnë pushimet verore në atdheun e tyre. Si turist, i cili dëshiron të njohë një vend me një histori të trazuar, peizazhe spektakolare dhe plazhe të bukura në Adriatik me çmime të ulëta. Ose si një biznesmen – ekonomia e vendit ende ka shumë potencial zhvillimi”, shkruan gazeta zvicerane.
Lexoni: Saimiri u tregon zviceranëve sa e mirë është Shqipëria
Lidhjet aktuale janë problematike sipas medias zvicerane duke theksuar se, “Shqipëria është e vështirë të arrihet direkt nga Zvicra. Nëse zgjidhni tokën, atëherë udhëtimi me autobus ose makinë merr shumë kohë. Edhe ata që marrin tragetin nga Italia, nuk arrijnë shpejt”.
Lexoni: Fuqia punëtore në Shqipëri merr notën 10 nga sipërmarrësit zviceranë
Kompania e fluturimeve Edelweiss ka njoftuar gjithashtu se në qershor të vitit të ardhshëm do të nisë fluturimet nga qyteti grek, Kallamata. Deri më tani, kompania mbulon 70 destinacione në 34 vende të botës.
