Gratë në Arabinë Sudite do të njoftohen me mesazh që martesa e tyre ka përfunduar sipas një ligji të ri për t’i dhënë fund divorcit sekret, ku shumë meshkuj ndaheshin nga gratë e tyre pa i njoftuar më parë.
Një legjislacion i ri në Arabinë Saudite pritet t’i japë fund praktikës së deritanishme të të mosnjoftuarit të femrave në raste divorci. Ligji i ri është miratuar nga ministri i drejtësisë në vend ditën e Dielë.
“Gratë do të njoftohen për çdo ndryshim në statusin e tyre martesor përmes një mesazhi në telefon,” tha ministri i drejtësoë gjatë seancës parlamentare të trasmetuar live në kanalet televizive. Raporti thekson se gratë gjithashtu do të kenë akses në të gjithë dokumentat lidhur me kontratat martesore në ëebsite-in e ministrisë.
Sipas ligjeve të mëparshme, burrat sauditë mund të divorcohen në mënyrë të njëanshme pa u thënë grave të tyre dhe gratë nuk kanë nevojë të paraqiten në gjykatë, tregon një raport nga Human Rights Watch i vitit 2016 mbi sistemin e kujdestarisë mashkullore në vend.
Avokatët lokalë thonë se masa e re do t’u japë fund të ashtuquajturave “divorce sekrete”, në të cilat meshkujt mund të zgjedhin t’i japin fund martesës së tyre pa ua thënë këtë bashkëshorteve.
Direktiva e re do të garantojë që gratë të jenë tërësisht të informuara mbi statusin e tyre martesor, e sigurisht të mund të mbrojnë të drejtat për mbështetje financiare.
Vitin e kaluar, në Arabinë Saudite u hoq ndalimi disa dekadësh që nuk i lejonte femrat në timon. Megjithatë, femrat vijojnë të jenë subjekt i ligjeve të mbikëqyrjes nga meshkujt.
Por jo vetëm. Femrat saudite, ende edhe sot nuk mund të bëjnë shumë gjëra, pa miratimin e një mbikëqyrësi mashkull, zakonisht bashkëshorti, babai, vëllai apo djali. Mes tyre, për shembull, është aplikimi për pasaportë, udhëtimi jashtë vendit, martesa, hapja e një llogarie bankare, nisja e disa bizneseve të caktuara, kryerja e operacioneve kirurgjikale për qëllime estetike, apo largimi nga burgu.
/Aljazeera
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
