Liderët botërorë, pjesë e leksioneve online të Shkollës Finlandeze

Shkolla Finlandeze në Kosovë po fillon serinë e parë të leksioneve online me liderë botërorë, për të gjithë nxënësit nga klasa e 7 deri në klasën e 12.Gjatë këtyre leksioneve, shkolla do të ftojë liderë biznesesh, ekspertë të teknologjisë, trajnerë të mirënjohur dhe mësimdhënës profesionalë nga e gjithë bota, për të folur rreth aftësive esenciale për nxënësit dhe në të njëjtën kohë për të  ndihmuar njerëzit të jenë një hap më afër transformimit në liderë të klasit botëror.

Lexoni: ICTSlab, kurse online pa pagesë për teknologjinë për të gjithë fëmijët e trevave Shqiptare dhe Diasporës

“Lidershipi në kohën e krizës: si të zhvillojmë mentalitet pozitiv në rininë tonë?” do të jetë leksioni i  parë online me Oliver Hartley, Menaxher i Zhvillimit dhe Mësimit në Grupe për Rethink Group, një kompani e menaxhimit të talentit me zyra në Mbretërinë e Bashkuar, Dubai, Australi, dhe SHBA. Oliver ka shpenzuar 10 vitet e fundit të karrierës së tij duke vështruar, analizuar, intervistuar, dhe trajnuar liderë të klasit botëror në të gjitha fushat (biznes, akademi, dhe sport) dhe ai ka zbuluar vetitë e përbashkëta në mentalitetin e tyre, që i ka transformuar jo vetëm në performues të lartë por edhe në liderë të mëdhenj.

Ju mund të bashkoheni më 26 mars 2020 (e enjte) në orën 16:00 në lançimin e kësaj eksperience, nga shtëpia juaj.

Për të ndjekur leksionin online mund të regjistroheni këtu.

Për më shumë informacion vizitoni website-n ose faqen e Shkolla Finlandeze në Facebook.