Shumë libra të rrallë dhe të shtrenjtë që kapin vlerën e mbi 2.7 milionë dollarëve, janë gjetur në një shtëpi në një fshat në Rumani. Vite me parë librat ishin vjedhur nga një depo në pjesën perëndimore të Londrës. Policia rumune ka publikuar pamjet e librave të gjetur, në mesin e tyre edhe librat origjinal të Galileo Galilei dhe Isac Newtonit.
Në aksionin që janë gjetur rreth 200 libra të rrallë, kanë marrë pjesë shumë forca policie dhe ka zgjatur për më shumë se tre vite, ku kishin kryer bastisje të shumta në 45 adresa në tre vende duke ngritur padi ndaj 13 personave. Librat ishin vjedhur në vitin 2017 nga depoja e postës në Feltham, ku ishin të vendosura para se të barteshin në Las Vegas që edhe pritej të dilnin në ankandin e librave të rrallë.
Dy burra Daniel David dhe Viktor Opariuc, janë futur me dhunë në depo, e siç raporton Guardian, policët e kishin përshkruar vjedhjen të ngjashme me skenat e filmit “Mission Impossible”, ku hajdutët ishin mbajtur nëpër rafte për të shmangur aktivizimin e sensorëve dhe alarmeve. Vjedhja kishte zgjatur rreth pesë orë, kurse hajdutët janë larguar nga depoja në të njëjtën mënyrë si janë futur – me litar nga kulmi. Ata i priste një veturë e parkuar në afërsi ku burri i tretë Narcis Popesku i dërgoi larg vendit ku kryen vjedhjen.
Vetura e tyre më vonë ishte gjetur e pastruar me zbardhues, që tregon se aksioni i tyre ishte planifikuar shumë kohë më parë deri në detajin më të vogël. Megjithatë në fund doli se vetura nuk ishte pastruar edhe aq mirë, duke iu mundësuar hetuesve të hasin në gjurmë të ADN-së të njërin prej hajdutëve. Ata janë arrestuar dhe gjykuar, kurse hetuesit në fund arritën që në fshatin Neamt në verilindje të Rumanisë të gjejnë librat.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
