Në vijim të punës për promovimin dhe nxitjen e punësimit tek të rinjtë dhe rritjen e potencialit të burimeve njerëzore të sistemit bankar, Shoqata Shqiptare e Bankave (AAB) dhe Partnerët Shqipëri (PSH) organizuan në Tiranë lançimin e programit “Edukimi i Punëkërkuesve të Rinj në Sektorin Bankar”.
Në një njoftim për shtyp, AAB bën të ditur se gjatë takimit, përfaqësuesit e dy institucioneve, (AAB) dhe (PSH) përkatësisht Spiro Brumbulli dhe Juliana Hoxha, prezantuan programin dhe kontributin e këtij programi tek të rinjtë shqiptarë të diplomuar në Ekonomi, Financë, Bankë dhe Shkenca Ekzakte, në kërkim të karrierës profesionale brenda sektorit bankar.
Gjithashtu, Orfea Dhuci, këshilltare Ekonomik në Alpha Bank Albania, mbajti leksionin e parë në kuadër të programit me temë “Sistemi Bankar në Shqipëri. Historiku dhe tendencat e zhvillimit të sektorit.”
Referuesit e këtij takimi ishin dhe përfaqësues të disa bankave tregtare shqiptare, të cilët diskutuan mbi rëndësinë e programit dhe mbi mundësitë e krijimit të një mjedisi mundësues për stimulimin dhe zhvillimin profesional të punëkërkuesve të rinj në tregun e punës.
Burimi: ata.gov.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English