Digital Tirana është platforma më e re online e Bashkisë Tiranë. Kjo platformë sjell së bashku një sërë elementësh të sektorëve privatë dhe publikë për të mbështetur startup, sipërmarrës, aktorë të ekosistemit si dhe për të dhënë një informacion gjithëpërfshirës për nomadët digjitalë. E përqëndruar në komunitetin e startup-eve të Tiranës, Digital Tirana synon të promovojë, lehtësojë dhe pasqyrojë çfarë ndodh në ekosistem përmes bashkëpunimeve, partneriteteve dhe iniciativave me aktorët lokal dhe ndërkombëtar që dëshirojnë të punojnë dhe kontribuojnë në rritjen e cilësisë dhe frymës sipërmarrëse dhe teknologjike duke ofruar një databazë startupesh dhe investitorësh korrentë dhe potencialë në Tiranë.
80 përfaqësues të ekosistemit të sipërmarrjes dhe teknologjisë u mblodhën pasditen e 25 Marsit në ambjentet e Sallës Balsha tek Hotel Tirana International për t’u njohur me seksionet, artikujt dhe informacionet që përmban platforma si dhe për të ndarë sugjerime dhe sfida të përbashkëta për t’a përmirësuar atë.
Nisma u përshëndet nga Nënkryetari i Bashkisë Tiranë Z.Arbjan Mazniku si dhe nga aktorë të ekosistemit të startup-eve Znj.Edina Kozma (Zv.Përfaqësuese e UNICEF Shqipëri), Z.Kushtrim Shala (ICTAwards), Z.Albi Greva (Drejtor Marketingu dhe PR në kompaninë Gener2) dhe Z.Akil Rajdho (Administrator i kompanisë RPay).
Lexo: 11 gjëra nga të cilat duhet të hiqni dorë nëse doni të bëheni milionerë
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
