ALL DIGITAL Week 2018 ka nisur dhe partnerët tanë po e zhvillojnë dixhitalin në një nivel tjetër në shtetet e tyre.
Më shumë se 1,245 partnerë në 25 vende Europiane do të sjellin seminare, workshop-e, fjalime dhe iniciativa personale për 80,000 pjesëmarës gjatë të paktën 2,000 evente.
Mbi 500 ngjarje janë paraqitur tashmë në hartën evropiane të ALL DIGITAL WEEK.
Laurentiu Bunescu, CEO i ALL DIGITAL, komentoi, “Ne e organizojmë ALL DIGITAL WEEK për të përkrahur Europianët në udhëtimet e tyre të transformimit dixhital. Më shumë se kurrë, ne të gjithë duhet të investojmë në aftësitë dixhitale për përmbajtjen në media, përfshirje sociale, punësim, sipërmarrje dhe arsim.”
Fushata merret me përmbajtjen dixhitale dhe mediatike, sigurinë në internet, sigurinë kibernetike, kodimin dhe shumë tema të tjera të lidhura me aftësitë dixhitale dhe teknologjinë offline dhe online.
Fiona Fanning, Drejtoreshë e Çështjeve Evropiane, tha: “Ndërsa teknologjia pushton të gjitha aspektet e jetës sonë, kurrë nuk ka qenë më e rëndësishme të sigurohet që të gjithë evropianët të kenë mundësinë të fitojnë aftësi dixhitale dhe certifikimin që do t’i ndihmojë ata të kenë sukses si student, qytetar dhe punonjës. Ne jemi të kënaqur që mbështesim misionin e rëndësishëm të ALL DIGITAL WEEK në lehtësimin e një transformimi të vërtetë dixhital europian”.
Fushata ka dy tema kryesore. E para ka të bëjë me ndihmën që duhet t’ju japim njerëzve për të ndërtuar besim në teknologji duke zhvilluar të menduarit kritik dhe përmbajtjen mediatike në një kohë të mbushur me “fake neës” dhe mosbesim në media. Tema e dytë dhe më e madhja po ndihmon në zhvillimin e një qasje të të nxënit për të rritur aftësitë dixhitale në një ekonomi gjithnjë e në ndryshim dhe gjithnjë e më shumë të orientuar kah dixhitalizmit.
A mendoni se duhet të jeni partner kombëtar për të marrë pjesë? Jo! Mjafton të jeni të gatshëm të merrni pjesë, sepse çdokush mund të bashkohet me fushatën, edhe nëse nuk ka partnerë kombëtarë në vendin tuaj. Nëse doni të shihni se çfarë ngjarjesh do të ndodhin ose ku, ju mund të kontrolloni hartën e ngjarjeve.
Për të vlerësuar përpjekjet në zhvillimin e shkathtësive dixhitale për fëmijët, të rriturit dhe të moshuarit, organizatorët e ngjarjeve do të marrin certifikata. Ata gjithashtu automatikisht hyjnë në garë për Eventin më të mirë. Fituesit do të ftohen të marrin pjesë në Samitin e ALL DIGITAL në Bruksel në tetor 2018.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
