Tensionet politike, goditjen e parë në ekonomi e japin përmes naftës. Pikëpyetjet për furnizimin global me naftë pas sanksioneve Amerikane së fundi ndaj Iranit kanë prekur mundësitë e furnizimit.
Çmimi në tregun global ka arritur në nivlein 80 dollarë për fuçi, çmim që nuk shënohej nga viti 2014.
Ky trend e fut Botën e çmimeve në një spirale rritjesh. Si për faktin se nafta, është lënda e parë bazë me ndikim në çmime në të gjitha industritë, prodhim e shërbim, por edhe për faktin se vetë çmimi i naftës nuk ka në plan të ulet, përkundrazi.
Rritja e çmimeve paralajmërohet nga Bloomberg.
“Harroni Iranin dhe OPEC-un. Ka një tjetër çëshjte që do të rrisë çmimet e naftës në dy vitet e ardhshme, sipas Morgan Stanley”, citon Bloomberg.
Çmimi Brent i naftës bruto pritet të arrijë në 90 dollarë për fuçi në 2020, pasi hyjnë në fuqi disa norma të reja ndërkombëtare për tregtinë. Ato kanë si objektiv tregtimin e një cilësie më të mirë karburanti të përpunuar, thonë analistët e bankës në një raport.
Ndryshimet, të cilat detyrojnë anijet të përdorin lëndë djegëse me nivel më të ulët squfuri, vlejnë që në janar të 2020-ës. Ato do të çojnë në rritjen e kërkesës për produktet e distiluara në nivel mesatar, duke përfshirë këtu naftën dhe gazin detar.
“Ne parashikojmë një rritje të fortë të interesit për një nivel mesatar përpunimi, çka do të nxisë rritjen e çmimeve”, shkruan Martijn Rats analist i Morgan Stanley.
Në vendin tonë, çmimet ndërkombëtare të naftës reflektohen lehtësisht, në kushtet kur kompania e përpunimit të naftës ARMO, në pjesën më të madhe të kohës nuk është në përdorim. Pas problemeve të shfaqura në fund të vitit të kaluar dhe pezullimit të aktivitetit, pati rritje të thekesuar të importit të naftës. Në 4 muajt e parë importi u rrit gati 50% krahasuar me të njëjtën periudhë të vitit të kaluar.
Ecuria e çmimeve në botë:
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
