Ky vend është shtëpia e gjysmës së 10 restoranteve më të shtrenjta me yje Michelin në botë - Business Magazine Albania

Ky vend është shtëpia e gjysmës së 10 restoranteve më të shtrenjta me yje Michelin në botë

Ndërsa vaktet me yje Michelin mund të kushtojnë vetëm 1,50 dollarë për pjatë, shumica e restoranteve që kanë fituar çmimin prestigjioz faturojnë shumë më tepër.

Shumë prej pjatave të këtyre restoranteve kushtojnë 300-400 dollarë, por disa kanë tarifa edhe më të larta.

Për të gjetur restorantet më të shtrenjta me yje Michelin, faqja e internetit e gatimit Chef’s Pencil hulumtoi menutë në më shumë se 450 restorante në mbarë botën.

Sipas Chef’s Pencil, 10 restorantet më të shtrenjta që kanë marrë një yll Michelin ose drejtohen nga një kuzhinier me yje Michelin janë:

  1. Sublimotion, Ibiza, Spanjë – 1740 dollarë
  2. Ultraviolet nga Paul Pairet, Shanghai, Kinë — 1422 dollarë
  3. Kitcho Arashiyama Honten, Kioto, Japoni – 910 dollarë
  4. Azabu Kadowaki, Tokio, Japoni – 825 dollarë
  5. Masa, New York City, Shtetet e Bashkuara – 800 dollarë
  6. (Barazim) Joel Robuchon, Tokio, Japoni – 637 dollarë
  7. (Barazim) Kikunoi Honten, Kyoto, Japoni – 637 dollarë
  8. (Barazim) Gion Maruyama, Kyoto, Japoni – 637 dollarë
  9. Guy Savoy, Paris, Francë – 615 dollarë
  10. Piazza Duomo, Alba, Itali — 580 dollarë

(Çmimi për person, zakonisht pa përfshirë pijet dhe tarifat e shërbimit.)

Japonia është i vetmi vend që shfaqet më shumë se një herë në këtë listë dhe restorantet e saj, të vendosura në Kioto dhe Tokio, dominojnë gjysmën e 10 vendeve. Sidoqoftë, vlen të përmendet se Joel Robuchon me bazë në Tokio, i cili u rendit në vendin e 6-të në listë, shërben kuzhinë franceze.

Lexo edhe: Si krahasohen zakonet tuaja të të ngrënit me Warren Buffett, Elon Musk dhe Bill Gates? Këto janë ushqimet e preferuara të miliarderëve

Restoranti i vetëm i Shteteve të Bashkuara që hyn në top 10, Masa, është gjithashtu një restorant japonez.

Japonia është vendi me numrin më të madh të restoranteve Michelin në botë, me Tokion që ka më shumë restorante me yje Michelin se çdo qytet tjetër, sipas Chef’s Pencil.

Pse restorantet japoneze mund të jenë kaq të shtrenjta

Ka një arsye pse shumë restorante japoneze janë kaq të shtrenjta, tha shefi Masaharu Morimoto, i njohur për miliona si ylli i shfaqjeve televizive të gatimit “Iron Chef” dhe “Iron Chef America”.

“Restorantet japoneze marrin peshk sezonal nga e gjithë bota, gjë që rrit koston e përbërësve,” tha ai. “Ekziston gjithashtu një kosto e transportit dhe ruajtjes së duhur për këta përbërës, duke pasur parasysh se ushqimet e freskëta të detit kanë një jetëgjatësi të shkurtër.”

cnbc

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0