Pas ratifikimit të marrëveshjes në Kuvendin e Shqipërisë për fondet IPA 3 të Bashkimit Europian, komisioneri për Zgjerim dhe Fqinjësi në BE, Oliver Varhelyi, falenderoi deputetët për marrjen e këtij hapi.
Më tej ai shtoi se integrimi në BE i Ballkanit Perëndimor duhet të bëhet prioriteti më i rëndësishëm gjeostrategjik.
Përmes një postimi në Twitter ai thotë se 30 miliardë euro do të investohen për të përshpejtuar procesin.
Lexo edhe: Punësim në BE dhe investime. Çfarë përfiton vendi nga hapja e negociatave
“Në këto kohë të trazuara integrimi i Ballkanit Perëndimor në BE duhet të bëhet prioritet më i rëndësishëm gjeostrategjik.
Mbështetja jonë prej 30 miliardë eurosh do të shërbejë për të transformuar rajonin, për të përshpejtuar procesin dhe për të ofruar një të ardhme tërheqëse për rininë në rajon.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
