Kur sëmuret një president - Business Magazine Albania

Kur sëmuret një president

Presidenti William Henry Harrison vdiq pak pasi kishte mbajtur fjalimin inaugurues më të gjatë në histori. Në një ditë të ftohtë dimri në vitin 1841, Harrison foli për një orë e 45 minuta- për të provuar se çfarë njeriu ishte. Pastaj ai u sëmur me pneumoni dhe vdiq vetëm pas 32 ditësh në detyrë. Ai u përpoq që të mos shfaqte dobësi. Ai u shua.

Mësimi për Trump, i cili sapo ka dalë pozitiv me koronavirus- është i qartë: mos u përpiqni të shfaqeni më të fortë seç jeni. Infeksioneve virale nuk u bëjnë përshtypje sjelljet maskiliste. Ai duhet të lërë mënjanë përpjekjet për rizgjedhje, për aq sa është e mundur njerëzisht, të pushojë dhe të shërohet.

Trump është një i moshuar me energji të tepruar- ai nuk fle shumë, kjo dihet. Ai nuk i merr gjërat lehtë. Por mjekët duhet ta këshillojnë atë dhe të shoqen, e cila po ashtu ka dalë pozitive, të bëjnë pikërisht këtë. Presidenti duhet të dëgjojë. Nëse Trump ka nevojë për një shembull, ai duhet të shikojë mikun e tij, Boris Johnson, i cili u përpoq të vazhdonte punën në fazat e para të sëmundjes dhe përfundoi gati duke vdekur në terapi intensive. Boris është si Trump, një njeri i madh me energji të madhe. Infeksioni i tij me Covid-19 mund të kishte përfunduar ndryshe. Dhe ai është 18 vjet më i ri se presidenti amerikan.

LEXO: Pas infektimit me Covid, Trump shtrohet në spital

Trump ishte kaq i shqetësuar për Boris, sa ai ishte gati të dërgonte mjekë amerikanë për ta trajtuar nw momentet e vështirësisë. Boris duhet t’ia ri paguajë nderin duke i thënë që të bëjë pushim disa ditë, të injorojë zgjedhjet dhe të përqendrohet plotësisht në kalimin e infeksionit. Ndoshta një nga këshilltarët e Trump- jo Hope Hicks, e cila doli pozitive pak para Trump- duhet t’ia marrë telefonin celular që të mos e kalojë gjithë ditën në shtrat duke ‘cicëruar’. Kjo do sillte të gjitha llojet e përfitimeve.

Padyshim ka shumë njerëz të neveritshëm në median sociale që duan që Trump të vuajë dhe të vdesë- dhe që postojnë materiale të shpifura për këtë qëllim. Por shumica për fat nuk janë të tillë dhe nuk duan që fatkeqësia e dikujt të shndërrohet në një tjetër përleshje në luftën e kulturave. Siç e pamë me Boris Johnson, publiku do të lutet dhe do të dëshirojë që lideri i tyre të shërohet shpejt. Nëse ky vullnet i mirë do të përkthehet në kapital politik para zgjedhjeve, kjo është tjetër pyetje- e cila ndoshta është mirë të lihet për nesër.

Spectator

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0