Nëse dikur seancat me psikologun përqendroheshin tek ndjenjat, trauma apo marrëdhëniet me njerëzit, sot në to ka hyrë një “personazh” i ri, inteligjenca artificiale.
Gjithnjë e më shumë terapistë po pranojnë se pacientët e tyre flasin për ChatGPT, për ndjenjat që kanë ndaj tij, apo për mënyrën se si e përdorin si “mik” në momente ankthi. Disa madje rrëfejnë se para se të kërkonin ndihmë profesionale, kanë biseduar me AI-në për të gjetur qetësi.
“Kam pasur raste ku pacienti më tha se ChatGPT e kupton më mirë se njerëzit përreth,” tregon një psikologe londineze për The Guardian. “Nuk bëhet fjalë për varësi teknologjike, por për mënyrën se si njerëzit po kërkojnë ngushëllim edhe në botën digjitale.”
Por edhe vetë terapistët po e përdorin teknologjinë në mënyra të reja. Disa e shohin AI-në si një ndihmës që analizon modele sjelljeje, ndihmon me ushtrime relaksimi ose i ndihmon pacientët të mbajnë shënim gjendjen e tyre emocionale gjatë javës.
Megjithatë, ekspertët paralajmërojnë, asnjë algoritëm nuk mund të zëvendësojë empatinë njerëzore. Inteligjenca artificiale mund të të dëgjojë, por nuk mund të të ndjejë. Dhe ndoshta, kjo është ajo që na bën njerëzorë, edhe në një botë gjithnjë e më teknologjike.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
