Zhvillimi i inteligjencës artificiale ka hyrë në një fazë të përshpejtuar gjatë dy viteve të fundit, duke rritur shqetësimet se shumë profesione njerëzore mund të zëvendësohen nga makinat. Deri më tani, efekti ishte më i dukshëm në punët e nivelit të ulët apo rutinor. Por tani, edhe profesionet më të specializuara si terapia e masazhit po përballen me sfidën e automatizimit.
Në SHBA, kompania Aescape, e themeluar nga sipërmarrësi Eric Litman, ka krijuar një sistem masazhi tërësisht të automatizuar, që përdor robotë të komanduar nga inteligjenca artificiale. Qëllimi? Të ofrojë një përvojë të personalizuar dhe jashtëzakonisht të saktë për çdo klient.
Lexo edhe: Rreth 26 kompani teknologjike nënshkruajnë Kodin e BE-së për Inteligjencën Artificiale
Para çdo seance, përdoruesi vesh një kostum të dizajnuar enkas për t’i lejuar krahëve robotikë të rrëshqasin mbi trup pa pengesa. Roboti skanon trupin në më shumë se një milion pika 3D, duke ndërtuar një hartë të detajuar që i mundëson aplikimin e shtatë teknikave të ndryshme masazhi – me presion dhe temperaturë të kontrolluar në mënyrë dinamike.
Kjo risi po ngjall interes në të gjithë botën, jo vetëm për efikasitetin e saj, por edhe për mënyrën si po i shtyn kufijtë e asaj që konsiderohej një profesion “i pazëvendësueshëm”. Teknologjia që dikur dukej larg, tashmë po troket në dyert e qendrave të wellness-it, sfiduese për terapistët tradicionalë dhe frymëzuese për të ardhmen e shëndetit dhe kujdesit trupor.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
