Kur do të nisë ndërtimi i resortit në Dhërmi? - Business Magazine Albania

Kur do të nisë ndërtimi i resortit në Dhërmi?


Kompanisë Eurocol i është lënë afat edhe një vit për ndërtimin e resortit në fshatin Gjilekë në zonën e Dhërmiut, Bashkia e Himarës.

Agjencia e Zhvillimit të Territorit bën të ditur se në mbledhjen e fundit të Këshillit Kombëtar të Territorit u vendos që leja e zhvillimit të resortit të shtyhet për shkak se firma e ndërtimit nuk ka zbatuar afatet për ndërtimin e këtij resorti. Madje nuk do të përjashtohen edhe sanksionet për vonesat e krijuara, por që do të mësohen me zbardhjen e vendimit nga AZHT-ja.

Zhvillimi i projektit duhej të realizohej brenda një periudhe 3-vjeçare nga data e miratimit të lejes dhe do të kalonte në disa faza, si në: përgatitjen e kantierit, realizimin e muraturës e rifiniturës, rrjeteve të instalimit apo gjelbërimet.

Ky projekt është miratuar me vendim të Këshillit Kombëtar të Territorit në Mars të vitit 2014 dhe ndërkohë do të duhet të kishte nisur me kohë zhvillimin e tij. Sipas planit, ky resort do të ngrihej në një sipërfaqe prej 19,100 m₂ dhe do të zhvillohej në konceptin e vilave me pesë tipologji të ndryshme, përfshi këtu edhe vila në ndara në apartamente.

Gjithashtu, projekti parashikon të zhvillojë edhe shërbime të tjetra utilitare, si bar-restorante, pishina, prontil druri etj. Resorti do të njihej me emrin “White Rocks”.

Hapësirat e gjelbra do të përbëjnë rreth 58% të territorit, ku do të mbizotëronin agrumet dhe ullinjtë.

Burimi: monitor.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0