Rusia është një vend i mahnitshëm dhe miqësor, dhe Kupa e Botës duhet të provojë mirëseardhjen si një komb i madh që është. Megjithatë, pavarësisht kësaj, çdo shtet ka traditat e tij dhe njerëzit atje sillen pak më ndryshe, prandaj çdo turist duhet të ketë parasysh disa këshilla ligjore dhe kulturore.
Ja çfarë duhet të dini për rregullat e Botërorit 2018:
Homoseksualiteti nuk është i jashtëligjshëm në Rusi. Gjithsesi, në vitin 2012, Parada LGBT në Moskë u dëbua për 100 vite. Ndërsa në Qershor të vitit 2013, u miratua një ligj i cili ndalon promovimin e marrëdhënieve brenda gjinisë për moshat nën 18 vjeç. Megjithatë FIFA ka raportuar se do të ndërhyjë në rast se do ketë shkelje të të drejtave të njeriut.
Përsa i përket racizmit, ngacmimi dhe sulmet janë të përhapura, sidomos kundër të huajve nga Azia dhe Afrika. Ka pasur disa viktima.
Alkooli nuk lejohet në stadium gjatë ndeshjeve. Gjithashtu alkooli nuk lejohet të shitet në dyqane, vetëm gjatë orarit 11 të darkës deri në 8 të mëngjesit. Uji i çezmës nuk është i pijshëm në Rusi, por uji mineral në shishe gjendet kudo.
Ju mund të arrestoheni nëse largoheni nga vendi me sende antike, edhe nëse i keni blerë ato në mënyrë të ligjshme nga tregtarët vendas.
Nëse merrni mjekim për ndonjë sëmundje, kur të mbërrini në Rusi duhet patjetër të paraqisni konfirmimin e mjekut për përdorimin e secilit prej ilaçeve. Gjithashtu është i domosdoshëm përkthimi i noterizuar në rusisht.
Vetëm biletat nuk mjaftojnë për të hyrë në stadium, një Fan-ID duhet të jetë i bashkangjitur me çdo biletë, dhe sigurisht pasaporta.
Tifozët rusë kanë marrë 46% të biletave, ndërsa tifozët e huaj kanë një pjesëmarrje prej 54%. Tifozët nga Shtetet e Bashkuara, Kolumbia, Meksika, Kina dhe Argjentina kanë blerë më shumë bileta pavarësisht se SHBA dhe ekipet kombëtare kineze nuk arrijnë të kualifikohen në turne.
/Independent
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
