Greqia ka vendosur të mbajë të pandryshuar regjimin kufizues të lëvizjeve nga Shqipëria në drejtim të Greqisë deri në datën 8 nëntor. Njoftimi është dhënë nga Ambasada greke në Tiranë, që përcjell vendimmarrjen e autoriteteve greke pas shqyrtimit të të dhënave në lidhje me pandeminë në Shqipëri.
Mbetet në fuqi kalimi i kufirit për shtetasit që kanë leje qëndrimi në Greqi, shtetasit grekë dhe punonjësit sezonalë, ndërsa ndalohet të udhëtojnë personat për qëllime turistike. Mbetet në fuqi masa e testit negativ PCR Covid-19 jo më herët se 72 orë para udhëtimit.
Doganat mes dy vendeve do të mbyllen në orën 23.00 deri në 07.00 të mëngjesit çdo ditë, mbetet në fuqi numri i personave që do të lejohet të kalojnë në Kakavijë 750 persona dhe 300 në Kapshticë, ndërsa të gjithë udhëtarët që hyjnë në Greqi, duhet të karantinohen për 7 ditë në banesën e tyre. Pas shtimit të rasteve me Covid-19, Greqia ka marrë masa shtesë edhe në brendësi të vendit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
