Në një takim virtual me drejtuesit e Drejtorive Rajonale dhe arsimore vendore, Kryeministri Edi Rama ka kërkuar respektimin me rigorozitet të masave anti-covid, në ambientet e shkollave.
Shkollat do të funksionojnë me një, dy dhe tre turne me jo më shumë se 20 nxënës nëpër klasa dhe me orë të shkurtuara në 30 minuta:
- 1097 shkolla do të kenë një turn;
- 479 shkolla kanë dy turne;
- 183 shkolla kanë tre turne;
- mësimi do të jetë i kombinuar një herë në klasa, një herë online;
- nxënësit duhet të vlerësohen vetëm për mësimin në shkollë.
Lexoni: Mbajtja e maskës në shkollë është e detyrueshme
“Mbajtja mbyllur e shkollave nuk ishte opsion, këtë na e thotë përvoja e të gjitha vendeve. Hezitimi dhe mbajtja, apo tërheqja zvarrë e këtij procesi nuk ishte opsion, sepse virusi nuk ka ikur dhe nuk ka për të ikur, deri kur të paktën të dalë një vaksinë e besueshme dhe e pranuar botërisht.
Kjo do të thotë se në vend që të presim ikjen e virusit me magji, që nuk do të ndodhë, apo t’i hyjmë rrugës së çmendurisë së konsipracioneve që nuk ka virus, duhet që të gjithë të marrim përgjegjësinë”, tha kryeministri.
Ky do të jetë një vit shkollor më i gjatë dhe shumë herë më i vështirë se të tjerët. Megjithatë të gjitha shkollat po marrin masat për fillimin e vitit të ri shkollor dhe janë në një sfidë të jashtëzakonshme, thotë kryeministri, duke shtuar se në çdo shkollë do të ketë nga një punonjës të shëndetit publik.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
