Kriza energjitike, BE propozon një mekanizëm të ri: “Korridor dinamik gazi” - Business Magazine Albania

Kriza energjitike, BE propozon një mekanizëm të ri: “Korridor dinamik gazi”

Kërkimi i ethshëm i një zgjidhjeje të ngërcit energjetik, vazhdon në radhët e BE-së, e disa vende të bllokut kanë dalë së fundi me një propozim i cili synon kufizimin e paqëndrueshmërisë në tregun e gazit duke futur një “korridor dinamik të çmimeve” për të parandaluar që çmimet të shkojnë shumë lart ose shumë poshtë.

Dokumenti nga Italia, Polonia, Greqia dhe Belgjika, u paraqit në kohën kur samiti i Pragës, në ditën e dytë të tij, fokusohet ndër të tjera edhe tek kriza e energjisë, teksa kontinenti pritet të përballet me një dimër të vështirë. Rritja e ndjeshme e cmimit të gazit dhe të energjisë elektrike ishte pasojë e kufizimeve të furnizimit me energji ruse për Europën.

Lexo edhe: Gjermania heq taksat e gazit

Moska pretendon se këto kufizime janë një kundërpërgjigje ndaj sanksioneve që Perëndimi i ka vendosur Rusisë për shkak të agresionit të saj të pajustifikuar ndaj Ukrainës.

Në BE ka mosmarrëveshje mes shteteve anëtare mbi mënyrën se si të trajtohet kriza me energjinë. Disa prej tyre insistojnë në vendosjen e një tavani të cmimit të gazit, të tjerë, përfshirë Gjermaninë, paralajmërojnë se kjo mund të jetë e rrezikshme. Kryetarja e Komisionit Europian, Ursula von der Leyen e pohoi disa ditë më parë se BE-ja është e gatshme ta diskutojë çmimin tavan në importet e gazit, për të shmangur rritjen e madhe të çmimeve të energjisë. Çmimi tavan është çmimi maksimal i lejuar ligjërisht në një shtet./ Euractiv

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0