Plani i Komisionit Europian për ta bërë kontinentin më fitimprurës për investimin në fabrikat e gjysmëpërçuesve ka të ngjarë të dërgojë përfitimet drejt vendeve më të mëdha si Gjermania, Franca dhe Italia, thonë analistët.
Me miliarda euro investime publike dhe private, së bashku me mbulimin deri në 100% të boshllëkut të provuar të financimit me burime publike, një garë subvencionesh mund të anojë balancën drejt vendeve me burime më të mëdha.
“Unë nuk e shoh se si mund të shmanget kjo pasi kjo është thjesht natyra e bishës… njëlloj si në SHBA ku shtetet japin subvencione të ndryshme për t’i bërë kompanitë të ndërtojnë në një shtet të caktuar,” tha analisti i çipave të Gartner, Alan Priestley. .
Prodhimi i çipave në Europë ka rënë nga 24% e kapacitetit global të prodhimit në 2000 në 8% dhe prodhuesi i çipave ASML paralajmëroi se mund të bjerë në 4% nëse nuk ndërmerret asnjë veprim.
Lexo edhe: BE do të investojë më tepër në prodhimin dhe paketimin e çipave
Firmat amerikane tani kanë një pjesë të tregut prej 47% të industrisë së çipave, e ndjekur nga Azia, me Evropën një të tretën e largët, sipas të dhënave nga Shoqata e Industrisë së Gjysëmpërçuesve.
Legjislacioni aktual europian i çipave ndihmon në adresimin e kësaj duke ofruar subvencione më të thella dhe mbështetje shtetërore për të rrëmbyer një pjesë prej 20% të kapacitetit global deri në vitin 2030.
Intel, e cila ka planifikuar të investojë deri në 95 miliardë dollarë në Evropë gjatë dekadës së ardhshme, tha se pret që ndryshimet e fundit legjislative të ndihmojnë planet e kompanisë për të zgjeruar fabrikat e saj në continent.
Prodhuesi amerikan i çipave ka qenë në kërkim të vendndodhjeve në Gjermani, Francë dhe Itali.
Dhe pikërisht kjo është frika e vendeve më të vogla. Ata dyshojnë se firmat ndërkombëtare që shikojnë kontinentin mund të mos marrin në konsideratë ato më të voglat për ngritjen e fabrikave që kushtojnë mbi 20 miliardë dollarë për të ndërtuar.
Analistët thanë se ndërsa subvencionet janë një faktor kryesor, disponueshmëria e talenteve, tokës dhe instituteve kërkimore do të konsiderohen gjithashtu si faktorë përpara se të ngrihej një fabrikë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English