Kristiana Filip, gruaja e vitit në ICT Awards - Business Magazine Albania

Kristiana Filip, gruaja e vitit në ICT Awards

Kristriana Filip

Legit është krijuar që t’u lehtësojë punën sipërmarrësve, freelancers, dhe bizneseve, duke automatizuar punët e tyre ligjore.”

Kristiana Filip është themeluese e Legit. Ajo juriste që ndoqi pasionin e saj në një mënyrë krejt ndryshe, duke krijuar një startup në industrinë ligjore, i cili do të automatizojë të gjithë procesin e marrjes së dokumentave ligjore për bizneset. Kristiana u shpall fituese e çmimit “Gruaja në ICT” nga ICT Awards.

Ajo ndan me ne emocionet dhe rrugëtimin e saj deri këtu duke na treguar se, ka studiuar drejtësi në Universitetin e New Yorkut në Tiranë, me fokus në të drejtën ndërkombëtare tregtare dhe të biznesit. “Gjithnjë më ka pëlqyer ana ligjore e biznesit. Masterin e përfundova në Universitetin e Cambridge për të drejtë korporatash. Në master lënda ime e preferuar ka qenë gjithnjë qeverisja e korporatave dhe studiot ligjore si biznes, ku ligji shpjegohej në mënyrë më praktike. Më pas jam kthyer në Shqipëri. Për shkak të diplomës shumë unike, ku vetëm 24 veta nga e gjithë bota studionin në atë degë masteri, pata luksin që të zgjidhja studion në të cilën do të punoja, ndaj zgjodha një mjedis miqësor dhe me frymë rinore”, thotë ajo. Por, nuk e gjeti veten shumë në profesion. Për një periudhë u transferua në Kosovë, ku e zuri karatina e pranverës 2020. Në këtë kohë ajo mendoi më shumë për lidhjen e klientëve me avokatët dhe se si mund të automatizohen disa procedura tepër të thjeshta. Ndaj, nis të hedhë disa ide në letër.

Kristiana nuk është një rast fatlum nga ata që lexojmë rëndom, ku ideja lind dhe kthehet në një biznes të suksesshëm brenda natës. Përpos viteve të gjata të shkollimit asaj iu desh të trajnohej për idenë e saj, një ide që vetëm mund ta imagjinonte se do të kthehej në diçka me vlerë:

“Në tetor 2020 më sugjeroi një mik që të merrja pjesë në Founders Bootcamp në ICK Kosovo, ku mora pjesë për tri ditë dhe fitova inkubim virtual. Njëkohësisht, isha pjesë e Academy for Women Entrepreneurs në Shqipëri dhe të dyja më ndihmuan të strukturoja idenë time në një plan të mirëfilltë biznesi dhe të ekspozohesha në ekosistem. Në janar 2021 kam dhënë dorëheqjen nga puna dhe vendosa të punoja si freelancer, pasi më duhej të gjeneroja të ardhura për të ndërtuar paralelisht platformën. Që atëherë kam punuar me startup-e, kryesisht në Kosovë. Kam punuar me Gjirafa, Dua.com, Ritech në Shqipëri, RPay, etj.”….

Për të lexuar artikullin e plotë me eventet e tre muajve të fundit abonohuni në Business Magazine ose porosisni Business Magazine 29 këtu!

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0