Ministria e Bujqësisë dhe Zhvillimit Rural organizoi nën kujdesin e zëvendëskryeministres dhe ministre e Infrastrukturës dhe Zhvillimit Rural, Belinda Balluku si dhe me mbështetjen e Bashkimit të Prodhuesve Shqiptarë, workshopin kombëtar në lidhje me Bujqësinë, Pylltarinë dhe Peshkimin, pjesë e Smart Specialisation Strategy (S3) të BE.
Ministrja e Bujqësisë dhe Zhvillimit Rural, Frida Krifca u shpreh se, “kjo strategji ka për qëllim të adresojë sfidat kryesore socio – ekonomike shqiptare, në përputhje me kapacitetet inovative, kërkimin shkencor dhe mundësive për zhvillim”.
Ministrja vuri në dukje se, fokus i punës së MBZHR-së, është zgjerimi i pikave që avantazhojnë bujqësinë tonë për të ndërtuar të ardhmen e saj mbi bazat Smart Specialisation Strategy.
“Strategjia S3, është një mundësi e re për të rritur efikasitetin e zhvillimit të bujqësisë por mbi të gjitha komplimetaritetin e objektivave zhvillimorë të sektorëve të ndryshëm për të rritur efikasitetin e të gjithë ekonomisë së një vendi”, tha ajo.
“Bujqësia shqiptare është një sektor i cili për vetë rëndësinë e tij në ekonominë e vendit, lidhjen me sektorët e tjerë të shërbimeve dhe turizmit, peshën që ka në punësim është një prej shtyllave të zhvillimit ekonomik të vendit. Vitet e fundit bujqësia ka treguar se po tejkalon vështirësitë strukturore të trashëguara duke shfrytëzuar në mënyrë të plotë dhe inteligjente avantazhet krahasuar me vendet e tjera të rajonit”, theksoi ministrja.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English