Qeveria e ka miratuar projektligjin që i hap rrugë pagës minimale në vlerë prej 264 euro bruto apo 250 euro neto.Veç kësaj, qeveria e ka miratuar edhe heqjen e tatimit për pagat 250 euro.
Ministri i Financave Hekuran Murati, tha në mbledhje se miratimi i këtij projektligji në Qeveri e Kuvend i hap rrugë sjelljes në Qeveri të vendimit për rritjen e pagës minimale në vlerë prej 264 euro bruto, apo 1.5 euro në orë.
“ Projektligji në fjalë ka për qëllim të ndryshojë dhe plotësojë ligjet, të cilat edhe ndërlidhin shumën e benifiteve apo kompensimeve me pagën minimale si dhe të ndryshojë shkallët tatimore në të ardhura personale dhe të ndryshojë procedurën të vendosjes së pagës minimale. Paga minimale, e konsiderojmë si ministri, është instrument i tregut të punës prandaj edhe duhet ti shërbejë këtij funksioni, andaj me miratimin e këtij projektligji paga minimale do të shërbejë vetëm për të rritur pagën e punëtoreve me pagë të ulët deri në një nivel të përshtatshëm.
Kosova ka paralajmëruar edhe një paketë prej 100 milionë eurosh ku synon që studentët, pensionistët, punëtorët e sektorit privat dhe publik, si dhe shtresat në nevojë të përfitojnë nga 100 euro ndihmë për përballimin e çmimeve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
