Kosova fiton çmimin “Brand & Community Champions” për sipërmarrje - Business Magazine Albania

Kosova fiton çmimin “Brand & Community Champions” për sipërmarrje


Në kategorinë e nominuar nga Bordi i Global Entrepreneurship Network (GEN), Kosova u vlerësua me çmimin “Brand & Community Champions” – çmim ky i ndarë personalisht nga Jonathan Orthmans, President i GEN. Çmimi u pranua nga Uranik Begu nga Innovation Centre Kosovo.

“Ky çmim dhe mirënjohje është shumë domethënëse për Kosovën, për faktin që vlerësohet komuniteti. Ne si Kosovë kemi punuar mjaft që të kemi një komunitet aktiv dhe të shëndoshë, që t’i shërbejë sidomos gjeneratave të reja dhe t’u ofrojë atyre mundësi që të krijojnë dhe zhvillojnë vendin”, është shprehur Begu.

Në këtë kategori Kosova del fituese përballë shteteve të fuqishme, si: Holanda, Mbretëria e Bashkuar, Rusia, Turqia, Kanadaja dhe Meksika.

GEN Compass Award” mbahet tradicionalisht gjatë Kongresit Global i Sipërmarrjes, i cili këtë vit po mbahet në Medellin, Kolumbi, me pjesëmarrjen e më shumë se 160 shteteve, qeverive e kompanive globale.

 

/Telegrafi/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0