Qyteti i Korçës është rikthyer këtë verë në një epiqendër të dijes dhe inovacionit, me çeljen zyrtare të edicionit të ri të Korça ICT Academy – Code for Albania 2025, një ndër programet më ambicioze dhe gjithëpërfshirëse të edukimit teknologjik për të rinjtë në Shqipëri.
Në këtë edicion, akademia mirëpret 100 nxënës të përzgjedhur nga e gjithë Shqipëria, të cilët ndajnë një pasion të përbashkët për teknologjinë, kodimin dhe risitë digjitale. Për dy javë radhazi, këta të rinj do të zhytën në një kamp intensiv trajnimi, nga data 14 deri më 27 korrik, duke u angazhuar në më shumë se 80 orë mësimdhënie praktike.
Lexo edhe:Product Launch #6 me Almanart!
Çfarë e bën këtë program unik është përfshirja e instruktorëve ndërkombëtarë, të ardhur nga universitete prestigjioze si Stanford University, si dhe nga qendra të njohura të teknologjisë dhe edukimit në SHBA dhe Kanada. Me një metodologji të avancuar mësimore dhe qasje ndërdisiplinore, pjesëmarrësit jo vetëm që do të zhvillojnë aftësi teknike të nivelit të lartë, por do të punojnë mbi projekte reale dhe do të përfitojnë mentorim të personalizuar.
Qëllimi i akademisë shkon përtej përvetësimit të njohurive teknologjike. Programi synon të nxisë talentin vendas, të hapë horizonte të reja për zhvillimin profesional dhe të kontribuojë në formimin e brezit të ardhshëm të krijuesve dhe liderëve shqiptarë në fushën e teknologjisë dhe inovacionit.
Edhe këtë vit, Korça po dëshmon se është jo vetëm një qytet me vlera kulturore dhe historike, por edhe një hapësirë ku e ardhmja ndërtohet me dije, bashkëpunim dhe vizion. ICT Academy – Code for Albania 2025 është më shumë se një kamp trajnimi – është një investim në potencialin dhe të ardhmen e Shqipërisë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
