Edhe tregu i sigurimeve e përjetoi vitin pandemik si shumë sektorë të tjerë të ekonomisë. Vëllimi i primeve në portofolin “sigurimi nga zjarri dhe forcat e natyrës”, gjatë vitit 2020,shënoi ulje me 5%, ndërsa vërehet një rritje me 4% e numrit të kontratave të sigurimit.
Referuar të dhënave nga Autoriteti i Mbikëqyrjes Financiare (AMF), në portofolat e “pronës, përgjegjësive e garancive” të cilat gjatë vitit të shkuar siguruan mbi 2,790 milionë lekë të ardhura në total, vendin e parë e zunë “zjarri dhe dëmtime të tjera në pronë” me rreth 59.62% të totalit, të pasuara nga sigurimi i “përgjegjësisë së përgjithshme” me 30.76% të totalit.
Në total, primet e sigurimit vullnetar, gjatë periudhës vitit 2020 arritën rreth 6 miliardë milionë lekë, 6% më pak se në vitin 2019. Numri i kontratave të sigurimit vullnetar, po ashtu u ul me 43.8% krahasuar vitin 2019.
LEXO: Kadri Morina: qeveria të detyrojë me ligj për sigurimin e pronës
Primet e sigurimit vullnetar të Jo-Jetës gjatë vitit 2020, patën ulje me 5.50% kundrejt vitit 2019. Në portofolat e Pronës, Përgjegjësive, Garancive të cilat gjatë vitit 2020 siguruan mbi 2,790 milionë lekë të ardhura në total, vendin e parë e zunë Zjarri dhe Dëmtime të Tjera në Pronë me rreth 59.62%, të pasuara nga sigurimi i Përgjegjësisë së Përgjithshme me 30.76% të totalit.
Në portofolin sigurimi nga Zjarri dhe Forcat e Natyrës, gjatë vitit 2020, vihet re një ulje prej 5.08% e volumit të primeve të shkruara bruto të këtij portofoli dhe një rritje me 3.98% e numrit të kontratave të sigurimit, krahasuar vitin 2019.
Të ardhurat nga sigurimet e Aksidenteve dhe Shëndetit, gjatë vitit 2020, arritën në rreth 1,051 milionë lekë, duke shënuar një ulje prej 11.20% në krahasim me vitin 2019.
Primet nga sigurimet e Jetës gjatë vitit 2020, arritën rreth 1,165 milionë lekë, ose 4.15% më pak se viti 2019.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English