Kadri Morina: qeveria të detyrojë me ligj për sigurimin e pronës

Shqipëria është mjaft e ekspozuar ndaj katastrofave natyrore, por sigurimet ndaj pronës mbeten shumë të ulëta. Presidenti i Eurosig dhe UBA Bank i bën thirrje qeverisë të miratojë projektligjin për sigurimin e detyrueshëm ndaj katastrofave natyrore. “I kërkojmë qeverisë shqiptare dhe parlamentit shqiptar, që nisur nga ngjarjes si tërmetet dhe përmbytjet e vitit 2015, me përmbytjet që ndodhën tani, të bëjë një projektligj për sigurimin e detyrueshëm të pronave, të bizneseve, pse jo edhe të jetës, siç e ka sot shteti maqedonas, në mënyrë që në çdo rast, këtë përgjegjësi ta heqë nga vetja qeveria shqiptare”, thotë Morina.

Aktualisht vetëm 0.2% e pronave në vend janë të siguruara, përgjithësisht të detyrueshme për shkak të kredive që marrin klientët nëpër banka. Morina thotë se tarifa që do të paguajnë qytetarët duhet të jetë 50 euro për 100 mijë euro, shifër që nuk është taksë për qytetarin, por detyrim.

“Sigurimi, me ligji të detyrueshëm nuk është më tepër se 50 euro për 100 mijë euro. Ky është një shërbim që kthehet mbrapsh. Ky është një shërbim që edhe opozita kur të vijë në qeveri do të drejtojë për dy muaj vetëm emergjiencat civile. Kompania e sigurimit nuk të përgjigjet nëse të mbytet shtëpia sot. Kompania e sigurimit vjen dhe vlerëson dëmin. Ka një marrëveshje, sipas AMF, që brenda dy muajve dëmshpërblen, ndërsa për këta dy muaj përgjigjet qeveria shqioptare.

Presidenti i grupit, Eurosig, INSIG dhe UBA Bank thotë se kompanitë e sigurimit janë të mirëkapitalizuara dhe u përgjigjen me korrektësi klientëve.”Kompanitë e sigurimit vetëm për tërmetin paguan mbi 40 mln euro. E dini se, nëse do të ishin të siguruara të gjitha pronat me ligj të detyrueshëm, kompanitë e sigurimit do të ishin të mirëkapitalizuara për të paguar 700 milionë deri në 1 miliard euro”.

Eurosig ka vlerësuar dhe ka paguar në kohë dëmet e pagesave që ishin të siguruara nga tërmetet e vitit 2019 dhe ka paguar 2.6 milionë euro për përmbytjen që iu shkaktua kompanisë italianë që po ndërtonte bypass-in e Fierit.

 

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale