Konkurs për aplikacion mobile! - Business Magazine Albania

Konkurs për aplikacion mobile!


Në kuadër të Javës së Inovacionit 13-21 Maj, ADISA organizon një konkurs për ideimin dhe zhvillimin e aplikacionit më të mirë lidhur me shërbimet publike. Aplikacioni ka për qëllim të informojë qytetarët për 420 shërbime publike, si dhe të mundësojë rezervimin e biletës për marrje shërbimi pranë sportelit të dedikuar ADISA/ ZVRPP Tiranë.
Ky aplikacion duhet të përmbajë tre module kryesore:

1. Rezervimi i biletës online

Me anë të këtij moduli qytetari do të ketë mundësi që të rezervojë radhën online për marrjen e shërbimeve të ZVRPP në sportelet ADISA Tiranë.

Funksionalitetet kryesore janë:

  • Krijimi, ndryshimi apo fshirja e një llogarie për të mundësuar rezervimin;
  • Rezervimi online i biletës për shërbimet e ZVRPP të ofruara në sportelin e dedikuar ADISA, Tiranë;
  • Konfirmimi i rezervimit;
  • Anullimi i rezervimit;
  • Konfirmimi i anullimit të rezervimit;
  • Njoftimi në kohë reale i përdoruesve të tjerë për lirimin e orarit.

2. Informacion mbi shërbimet publike

Vënia në dispozicion e 420 Kartelave Informative të hartuara nga ADISA e të validuara nga 10 institucione përgjegjëse për ofrimin e shërbimit, me qëllim informimin për mënyrën e përfitimit të shërbimit publik të kërkuar, si dhe për dokumentacionin e nevojshëm për aplikim. Funksionaliteti bazë i këtij moduli konsiston në kërkimin e avancuar të informacionit, që përmbajnë kartelat informative.

3. Call center

Me anë të këtij moduli qytetari do të ketë mundësi që të lidhet automatikisht me Call Center për të marrë informacion mbi shërbimet publike.

Për informacione të mëtejshme kontaktoni në : informacion@adisa.gov.al

 

APLIKO TANI

Afati i fundit të dorëzimit të projekt-idesë: 30 PRILL 2017

Çmimi fitues: 500.000 ALL

Shkarkoni : Formular aplikimi

Dërgoni aplikimin tuaj në informacion@adisa.gov.al

 

Pyetje dhe përgjigje:

Ku mund të gjejmë informacion për shërbimet publike?

Informacioni i plotë për shërbimet publike do të mundesohet nga ADISA.

Kush mund të aplikojë?

Pjesë e konkursit mund të behen studentë apo profesionistë të rinj të cilët janë krijues, inovatorë dhe duan të përmirësojnë shërbimet publike.

Kur është afati i fundit i dorëzimit ?

Afati i fundit të dorëzimit të projekt-idesë : 30 PRILL 2017

A mund të aplikojnë studentë nga Kosova ?

Po, të rinjtë nga të gjitha trevat shqiptare mund të behen pjesë e konkursit.

 

Burimi: adisa.gov.al

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0