Një vendim i fundit i Këshillit të Ministriva heq nga fondi rezervë i buxhetit të shtetit rreth 3 milionë euro. Kjo shumë do të shkojë për shpenzimet e konsulencës juridikë në Arbitrazhin Ndërkombëtar.
Vendimi parashikon një vlerë mbi 516 mijë euro dhe gati 100 mijë paund, për kryerjen e pagesave të faturave të firmës avokatore “Gowling WLG” në çështjen e Arbitrazhit Ndërkombëtar. Çështja është ngritur kundër Republikës së Shqipërisë nga “Albaniabeg Ambient, sh.p.k”., “M.Angelo Novelli” dhe “Costruzioni S.R.L.”.
Një fond prej një milion euro parashikohet gjithashtu për konsulencën në çështjen e Arbitrazhit Ndërkombëtar “ICSID case no.ARB/17/6” me palë “Anglo-Adriatic Group Limited” kundër Republikës së Shqipërisë;
Një shtesë fondi prej gjashtëqind mijë euro shkon sërish për “Gowling WLG”, në këtë rast për asistencë juridike kundër një kompanie në fushën e energjisë. Firma avokatore paguhet në këtë rast nga Republikës së Shqipërisë në çështjen e Arbitrazhit Ndërkombëtar “ICC kundër Hydro S.R.L.”.
Vendimi parashikon që, detyrimet e mësipërme të përballohet nga fondi rezervë i buxhetit të shtetit.
Fondi rezervë i buxhetit përdoret zakonisht për raste emergjence, për të përballuar situata si dëmet nga përmbytjet, ndonjë zjarr i mundshëm, apo thatësira.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
