Konfindustria, përmes një njoftimi për mediat, ka bërë të ditur se, duhen marrë masa në formë pakete ndihme të jashtëzakonshme për shmangien e falimentit në shkallë të gjerë të sektorit të industrisë së manifakturës shqiptare gjatë vitit 2024. “Është e papranueshme, që të lejohet pa asnjë përpjekje për ndihmë nga ekzekutivi, humbja e pjeses së tregut ndërkombëtar prej qindra milionë euro në vit të prodhimeve të markës “Made in Albania’ në industrinë fason”, thekson Konfindustria. Sipas saj, në rast të kundërt, rrezikohen mbi 40 mijë vende pune me pasoja të rënda, sidomos në shtresat shoqërore dhe në pjesët më të varfëra të vendit. “Vlerësohet, se do të humbasin plotësisht edhe qindra milionë euro investime dhe përvojë 30 vjecarë në sektor. Gjithashtu, buxheti i shtetit do të preket ndjeshëm si pasojë e ngarkesës financiare të sigurimeve shoqërore të papunësisë”, thuhet nKonfindustria për humbjet e indistrisë fason: duhet paketë e jashëzakonshme ndihme njoftim.
Konfindustria vlerëson, se përvec shkaqeve objektive të gjendjes së vështirë të industrisë fason si,- ulja e fortë e kërkesës nga tregjet ndërkombëtare gjatë vitit 2023, rritja e pagës, – ulja e ofertës së tregut të punës si pasojë e emigracionit, etj. përgjegjësi të drejtëpërdrejtë kanë edhe politikat e qeverisë shqiptare.
“Vetëm në vitin 2023 me vendime të mirëfillta politike dhe tërësisht antitreg janë rritur me 30% pagat e referencës, duke prekur drejtëpërdrejtë planet e biznesit të sektorit. Vendimet e mësipërme politike, shoqëruar edhe me mbiçmimin e pashpjegushëm nga zhvillime formale ekonomike të Lek-ut me 11% vetëm në vitin 2023, ngarkojnë me përgjegjësi të drejtëpërdrejtë qeverinë për thellimin e gjendjes së vështirë të industrisë fason. Konfindustria vlerëson, se në kushte të ngjashme në shtetet demokratike vendimet e mësipërme të ekzekutivit, të pashoqëruara me masa shoqëruese ndihme do të rrëzoheshin nga sistemi gjyqësor.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
