Konferenca ndërkombëtare shkencore në Tiranë, mundësi për studentët dhe studiuesit e rinj - Business Magazine Albania

Konferenca ndërkombëtare shkencore në Tiranë, mundësi për studentët dhe studiuesit e rinj


ARICON në bashkëpunim me Universitetin Metropolitan të Tiranës organizon për herë të parë në Shqipëri konferencën shkencore “Applied Research International Conference on Business, Social and Technological Innovations (ARICBSTI)”. Një mundësi e mirë për akademikët dhe kërkuesit shkencorë për t’u dhënë përmasa ndërkombëtare punimeve të tyre.

Me një dimension global dhe një eksperiencë prej 12 vitesh, ARICON vjen për herë të parë në vendin tonë, duke organizuar një konferencë shkencore. ARICON është një organizatë ndërkombëtare me qendër në Britaninë e Madhe dhe Australi për Kërkim Shkencor dhe Zhvillim, e cila synon të ofrojë një platformë për akademikët dhe kërkuesit shkencorë në të gjithë botën.

Në këtë konferencë mund të marrin pjesë akademikë, kërkues shkencorë, konsulentë apo politikanë me formime dhe qëllime të ndryshme. Konferenca ofron mundësi pjesëmarrjeje jo vetëm për studiuesit që kanë përfunduar doktoraturën e tyre, por edhe ata që janë në proces doktorature, studentët apo edhe ata që janë të interesuar që të ndjekin nga afër referimet.

Kjo është një mundësi e mirë për ndërkombëtarizimin e punimeve shkencore shqiptare. Punimet e prezantuara do të kenë mundësinë të botohen në një prej dymbëdhjetë revistave shkencore partnere të ARICON, ku përfshihen “British Journal of Economics, Management & Trade”, “Australian Journal of Engineering and Technology Research”, “American Economic & Social Review”, “International Journal of Entrepreneurship” etj.

Afati i fundit i aplikimeve është data 31 Maj 2019. Aplikimi në këtë konferencë bëhet online, në linkun: https://arintconferences.com/aricbsti-2019-albania/. Brenda datës 10 Qershor duhet të dorëzohet abstrakti i punimit, ndërsa konferenca do të zhvillohet në datat 19-20 Qershor në ambientet e Universitetit Metropolitan Tirana. Dorëzimi i punimit të plotë: 10 Korrik 2019 në adresën ariconferences@gmail.com 

Çfarë përfshihet brenda pagesës së konferencës:

  • Pjesëmarrja në të gjitha seksionet e konferencës
  • Certifikata për pjesëmarrjen
  • Baza materiale
  • Libri elektronik me abstraktet dhe programin shkencor të konferencës
  • Libri elektronik me punimet e botuara dhe numrin përkatës ISBN
  • Drekat
  • Pushimet e kafesë
  • Kokteili i mirëseardhjes
  • Tur në qytetin e Tiranës

Për më shumë informacion rreth pagesës dhe aplikimit klikoni në linkun: https://arintconferences.com/aricbsti-2019-albania/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0