Kompania që rrëmben tre çmime për rrjetet më të mira optike - Business Magazine Albania

Kompania që rrëmben tre çmime për rrjetet më të mira optike

rrjetet më të mira optike

Rrjeti inteligjent Optix nga Huawei vlerësohet me tre çmime ndërkombëtare për novacionin teknik

Platforma globale e njohurive në komunikimet optike Lightwave, organizoi “Lightwave Innovation Reviews 2021”, gjatë të cilit rrjeti inteligjent Optix, që vjen në tregun botëror nga gjiganti Huawei, rrëmbeu tre çmime ndërkombëtare.

Këto çmime vlerësojnë performancën superiore të zgjidhjeve teknologjike dhe krijimtarinë në sistemet FTTX (fiber), në sistemet e transportit optik dhe platformat e ndërlidhjes së qendrës së të dhënave. Po ashtu, këto çmime vlerësojnë edhe ndikimin që këto teknologji transformuese do të kenë në rrjetet optike gigabit.

Zgjidhja e Huawei OptiXstar ONT nxit përshpejtimin inteligjent dhe Wi-Fi 6 për të identifikuar shërbimet inteligjente për shtëpinë të tilla si: mësimi online, eSports, video, transmetimi i drejtpërdrejtë dhe telekomunikimi, duke reduktuar të paktën gjysmën e llojeve të shërbimeve specifike.

Zgjidhja tjetër e Huawei, HomePON përbëhet nga terminale inteligjente të rrjeteve optike, baza dhe fibra optike super elastike, shpërndan fibra në dhomë (FTTR) me shpejtësinë e gigabit. Kjo zgjidhje garanton një eksperiencë të jashtëzakonshme, sinjale të forta dhe zero pamje të ngrira për të gjitha dhomat e shtëpisë.

Aktualisht Huawei OptiXstar ONT dhe HomePON janë përdorur nga operatorët për rreth 10 rajone, përfshirë këtu edhe Paqësorin Aziatik, Lindjen e Mesme, Europën dhe Amerikën Latine.

Lexo: Huawei prezanton smartfonin e tij të parë me 8GB RAM

Lidhur me sistemet e transportit optik, Huawei mori çmimi nëpërmjet zgjidhjes së quajtur OptiXtrans OSN 9800 M12, platformë optiko-elektrike kjo që mbështet spektrin ultra-broadband Super C+L, duke rritur efikasitetin spektral. Shtresa e saj e thjeshtuar optike 5 në 1, kursen hapësirën e dhomës së pajisjeve me 70% dhe ul konsumin e energjisë me 40%. E njëjta pajisje fitoi çmimin e madh në “Japan Interop 2020.”

Lidhur me platformat e ndërlidhjes së qendrës së të dhënave, Huawei OptiXtrans DC908 siguron ndërlidhje të thjeshta dhe inteligjente, të gjitha optike dhe me ultra-broadband për qendrat e të dhënave. Rritja e kapacitetit, integrimi optik dhe ai elektrik kursen më shumë se gjysmën e hapësirës DC dhe efikasiteti rritet me 90%. Një tjetër risi është se zgjidhja identifikon në mënyrë inteligjente disa javë më parë çdo defekt të mundshëm të fibrave, si dhe përcakton nëse fibrat janë në të njëjtin kabllo, duke mundësuar funksionim dhe mirëmbajtje (O&M) të lehtë për inxhinierët e IT.

Ky është një tjetër çmim ndërkombëtar për Huawei OptiXtrans DC908, pas suksesit të tij si fituesi i vetëm i çmimit DCI në “Japan Interop 2020.”

Me çmimet Lightwave u vlerësua gjithashtu Huawei OXC, sistemi i parë i këtij lloji në industri, më performancë të lartë transmetimi 600G dhe rrjet optik inteligjent NCE, duke ngulitur pozicionin e Huawei si një udhëheqës i komunikimeve optike.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0