Coinbase, bursa më e madh e kriptomonedhave në SHBA, po futet në biznesin ndërkombëtar të transferimit të parave, duke kërkuar të hyjë në një treg të madh të dominuar nga firma si Western Union.
Coinbase tha se ka nisur një program pilot falas për dërgimin e fondeve nëpërmjet kriptove për miqtë dhe familjen në Meksikë. Marrësit mund t’i konvertojnë monedhat digjitale në pesos në vendet pjesëmarrëse në të gjithë vendin ose të investojnë fondet në një llogari Coinbase. Shërbimi do të bëhet me tarifë pas datës 31 mars.
Coinbase nuk e zbuloi koston, por tha në një postim në blog se do të jetë “25-50% më e lirë” se transfertat tradicionale ndërkufitare.
“Ne e kuptojmë se kjo është një çështje globale. Dhe ndërsa po fillojmë në Meksikë, me kalimin e kohës do të shqyrtojmë rajone të tjera, ku klientët përballen me sfida të ngjashme, “tha Coinbase në një postim në blog.
Futja në tregun e dërgesave të emigrantëve është pjesë e strategjisë së Coinbase për të diversifikuar të ardhurat e saj në mes të një periudhe të vështirë për kriptovalutat që ka bërë që vëllimet e tregtimit në shkëmbime të bien. Coinbase po punon për të lançuar një treg për tokenat jo të këmbyeshëm dhe po ofron shërbime shtesë në fushën e financave të decentralizuara.
Tregu global i remitancave arriti rreth 700 miliardë dollarë në vitin 2020 dhe pritet të rritet në 1.2 trilion dollarë deri në vitin 2030, sipas Allied Market Research.
Për sipërmarrjen meksikane, Coinbase tha se ishte partnere me Remitly, e cila ka marrëdhënie me më shumë se 37,000 dyqane me pakicë, duke përfshirë Bansefi, BanCoppel, Oxxo, Sorina dhe Telecomm Telegrafos.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
