KLSH kreu kallëzim penal në prokurori nën akuzën e “shpërdorimit të detyrës” për ish-regjistruesin e Zyrës Vendore të Kukesit, ish-specialistin hartograf dhe dy juristë.
KLSH beson se gjatë hetimeve të prokurorisë mund të dalin të tjerë persona të përfshirë në këtë aktivitet korruptiv.
Nga raporti i këtij institucioni rezulton se për 11 vjet me radhë, nga shkeljet e kryera Autoriteti i Aviacionit Civil, si pronar i tokës nuk e ka kaluar pronësinë për më shumë se 331 mijë metra katrorë.
Nga auditimi del se është dhënë një sipërfaqe prej 31 mijë metrash katrorë më tepër se sipërfaqet e përcaktuara nga shteti. Ndërsa në 4 raste, ata që janë shpronësuar nuk kanë qenë pronarë të tokës.
KLSH kreu kallëzim penal për “shpërdorim të detyrës” edhe për 9 ish-punonjës dhe 5 specialistë në detyrë në Zyrën Vendore të Regjistrimit të Pasurive në Berat.
Pasi ka kryer një kontroll të plotë të dokumentacionit në këtë zyrë, KLSH ka dolë në përfundimin se, 14 personat e kallëzuar penalisht kanë kryer regjistrime të pasurive me sipërfaqe më të madhe nga sa ishte përcaktuar në ligj, duke lëshuar çertifikata mbi këto pasuri.
Në bashkëpunim me njëri-tjetrin, ata kanë lejuar tjetërsimin e këtyre pasurive në 20 raste dhe kanë regjistruar 43 mije e 626 metër katrorë sipërfaqe tokë arë, pa patur aktin e marrjes së pronës.
Burimi: top-channel.tv
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
