Klik Ekspo Group, hap më 23 Nëntor (23-26 Nëntor) panairin Ndërkombëtar të Tiranës – UFI Approved Event. Ky është eventi i vetëm ndërkombëtar, i organizuar nga Klik Ekspo Group & Tirana International Fair, me kontributin e shumë aktorëve ekonomike dhe sociale të vendit.
Çfarë pritet nga ky panair?
300 ekspozues të huaj, nga mbi 18 shtete, në sektorë qe prekin tastet e ndërveprimit me prodhuesit dhe autoritetet shqiptare;
Mbi 30 Autoritete dhe Agjenci shtetërore ndërkombëtare dhe Dhoma të Tregtisë Ndërkombëtare nga Ballkani i afërt, nga Europa Qendrore dhe Perëndimore, por edhe nga Azia e largët; HEPA Agjencia Shtetërore për Nxitjen e Investimeve te Hungarisë; RAS Agjencia Shtetërore për Promovimin e Biznesit të Serbisë; Dhoma e Tregtisë e Stambollit; Dhoma e Tregtisë e Malit te Zi; Byroja Ekonomike e Provincës së Anhuit në Kinë; programet e mbështetjes nga Fondet EU për ndërkombëtarizmin etj;
Mbi 3.500 Vizitorë Profesionistë të regjistruar, segment i rëndësishëm i një publiku të përgjithshëm që parashikohet nga sondazhet-poll të kryera, të arrijë mbi 32.000 nga mbarë Rajoni;
Të gjithë sektorët, me arritje konkrete, duke nisur nga Ndërtimi dhe Energjetika, Ambienti dhe Turizmi, Telekomunikacioni, Infrastruktura Rrugore dhe Veprat Publike; Industria e Lehtë; Industria Ushqimore; Arti dhe Edukimi; Artizanalja dhe Teknologjia e avancuar.
Pjesëmarrje serioze e autoriteteve shtetërore në Sallonin e Transportit dhe Infrastrukturës dhe përkujdesje e veçantë e kalendarit të evenimenteve nga AIDA – Agjencia e Zhvillimit te Investimeve.
Mbi 10.000 m2 sipërfaqe ekspozimi në strukturën simbol të ngjarjeve kult, Pallatin e Kongreseve dhe segmente të Blvd. “Dëshmorët e Kombit”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
