Klasa virtuale, nxënësit shqiptarë do të mësojnë online

Klasa virtuale, nxënësit shqiptarë do të mësojnë online

~4 minuta lexim


Ministria e Arsimit nxjerr udhëzues për klasat virtuale, pas ndërprerjes së mësimit prej situatës së krijuar nga koronavirusi.Ministrja Besa Shahini ka lajmëruar se në Radio Televizionin Shqiptar- RTSH 1, do të transmetohen mësime për nxënësit e klasave të ndryshme dhe për lëndë të ndryshme. Paradite RTSH Shkollë do të transmetojë nga ora 10:30-12:00 dhe mbasdite nga ora 18:00-19:30. Nxënësit që do t’a humbin mësimin në RTSH, do të kenë mundësi t’a shohin atë në kanalin në YouTube të Ministrisë së Arsimit.

900 leksione në matematikë dhe shkenca, për klasat 6-12 i gjeni në platformën mësimore Akademi.al.

Gjithashtu në shërbim të nxënësve është edhe platforma School me. Nxënësit duhet të regjistrohen në www.schoolme.education/landing/, për të përdorur platformën mësimore online. School me ofron video interesante për çdo lëndë që keni nevojë. Abonimi 3 javor është falas për klasat 1-9.

Regjistrohuni sa më parë dhe aksesojini leksionet. Paralelisht, pyetjet më të shpeshta që nxënësit kanë për leksione të caktuara, ministria do t’i paraqesë me video të reja nga mësuesit dhe do të publikohen në faqen zyrtare të ministrisë.

Kërkohet që mësuesit, nxënësit dhe prindërit të bashkëpunojnë për mësimin online në kushtet e shtëpisë.

Ministrja e Arsimit, Sportit dhe Rinisë, Besa Shahini ka zhvilluar një takim virtual me ministrat e arsimit në kuadër të kryesimit të OSBE nga Shqipëria, ku kanë ndarë edhe eksperiencat e shteteve për adresimin e çështjeve, që lidhen me një proces sa më të rregullt arsimor në këtë fazë ku nuk mund të frekuentohen shkollat.

Lexoni: Ushtria dhe policia nga nesër në terren për verifikime

Kanë qenë ministrat e arsimit të 72 shteteve, përfshirë edhe vendet më të prekura nga koronavirusi, të cilët kanë bashkëbiseduar për të ndarë eksperiencat më të mira të arsimimit në kushte të mbylljes së shkollave.

Ministrja Shahini ka nënvizuar se mes homologëve të të gjitha shteteve pjesëmarrëse në këtë video-konferencë, u diskutua për mësimin online, mënyra se si do të integrohet përdorimi i rrjeteve sociale, përgatitja e materialeve video për mësimdhënie, përdorimi i televizionit në dobi të nxënësve, në mënyrë që procesi mësimor të mos pengohet edhe në kushte të tilla.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0