Kjo kompani kthen avokadot në produkte që dekompozohen për 240 ditë


Nëse shikoni rrotull jush, do e kuptoni që pothuajse e gjithe plastika e prodhuar ekziston akoma sot në forma të ndryshme dhe nuk do të zhduket për mijëra vjet, nëse ne nuk angazhohemi në reduktimin, ripërdorimin, riciklimin e stilit tonë të jetesës. Për fat të mirë, disa kompani po e bëjnë më të lehtë për ne të jetojmë me këtë moto, si Biofase, një kompani inovative meksikane që përdor avokadot për të krijuar enë kuzhine.

BusinessMag gjithashtu dëshiron t’ju frymëzojë që të jetoni një mënyrë jetese më eko-miqësore duke ndarë lajmin e mirë se gjërat po fillojnë të ndryshojnë për mirë.

Kur Scott Munguía filloi të studionte Inxhinieri Kimike, ai kurrë nuk mendonte se do të përfundonte në revolucionimin e industrisë së biodegradueshme. E gjitha filloi si një projekt në klasë, por transformimi i farave të avokados në enë të ripërdorshme nuk ishte vetëm një ide e mirë për një notë të mirë, por ishte gjithashtu një ide e mirë për biznes.

Duke përfituar nga kjo mundësi, Scott dhe 2 shokët e tij krijuan Biofase, një kompani që përpunon farat e avokados, të cilat janë një pjesë e madhe e mbeturinave industriale meksikane. Ata në thelb i kapin ato para se të hidhen nga kompanitë e prodhimit të guacamole dhe vajit të avokados dhe i transformojnë në enë kuzhine.

Ata prodhojnë thika, pirunj, lugë dhe pipa që janë 100% të bio-degradueshme dhe dekompozohen në 240 ditë, ndryshe nga mijëra vjet që merr plastika për t’u degraduar.

“Çdo gjë që ekziston në tokë është pjesë e një cikli natyror. Problemi me plastikën është se nuk i përket asnjë prej këtyre cikleve,” shpjegon Scott. Por në këtë rast, produktet janë bërë nga bioplastikë që mund të absorbohet nga natyra dhe të bëhet e dobishme përsëri në tokë.

Kompania është e madhe dhe po rritet. Ata prodhojnë 300 – 400 ton enë të tilla në vit dhe po planifikojnë të kriojnë një linjë të pjatave dhe enëve për ushqime. Për arsye se idetë e mëdha zhvillohen shpejt, Biofase tani eksportohet në fqinjët e tyre në Amerikën Qendrore, në SHBA dhe në një pjesë të Europës.

Çfarë mendoni për këtë ide? A mendoni se llojet e tjera të mbeturinave natyrore mund të riciklohen në këtë mënyrë?

burimi: BrightSide

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0